MikeLigalig.com

Ni Decemay P. Padilla/EIM (Banat) | Updated July 2, 2014 - 12:00am


CEBU, Philippines - Gipahibawo sa National Grid Corporation of the Philippines (NGCP) nga nasulbad na nila ang problema sa transmission lines  sa probinsiya sa Bohol human  kini maapektuhi  sa pagtay-og sa 7.2 magnitude nga linog sa miaging tuig.

Gibutyag ni Engr. Abner Bardoquillo sa NGCP wala nay problema sa transmission ug power kay ilaha na kining napangitaan og solusyon,  apan ang pag-distribute niini mao na lang ang problema.

Si Engr. Bardoquillo miingon nga didto sa Bohol ilaha nang na-energized ang linya sa 138 kilovolts gikan sa Ubay paingon sa Corella.

Nasayran nga ang pag-distribute sa kuryente anaa na sa mga kooperatiba ug wala nay labot niini ang NGCP.

Kahinumduman nga sa miaging tuig ang lalawigan sa Bohol nakasinati og power crisis tungod sa mga kalamidad nga ilang nasinati sama sa kusog nga linog ug bagyo. (BANAT NEWS)