MikeLigalig.com

SuperBalita
Friday, June 6, 2014


LALAKI kalit nga mikirig human moinom sa usa ka brand sa energy drink nga iyang gipalit tungod sa kauhaw kagahapon sa alas 11:30 sa buntag sa usa ka tindahan sa Barangay Langtad, dakbayan sa Naga.

Si Richard Miraflor, 39, dunay kapuyo, taga Barangay Alang-alang, dakbayan sa Mandaue driver sa Range Rover Transport (RRT) nga nakabasi sa mao nga dakbayan, gideklarar nga dead-on-arrival (DOA) sa Rural Health Unit sa dakbayan sa Naga.

Ang biktima nagmulo na daan nga lain ang iyang lawas ug niinom og pain reliever sa wa pa ang hitabo hinungdan nga girekomendar ang autopsy aron masuta unsay iyang namatyan.

Si PO2 Ronjie Nadorra, sakop sa alert team sa Naga Police Station nga nahinabi sa dySS Super Radyo ug Sun.Star Superbalita, nagkanayon nga gipahibawo sila sa hitabo sa mga barangay tanod sa Langtad.

Sa ilang pag-abot sa lugar, gitapuk-an na ang biktima nga gipalingkod sa banko sa usa ka sari-sari store nga wa nay panimuot.

Wa sila maglangan, gidali nila sa pagdala sa tambalanan, apan si Dr. Andres Gestopa sa RHU Naga nideklarar nga patay ang biktima.

Ang mga kaubang truck boy nagkanayon nga samtang nag-habwa sila sa gi-deliver nga lumber sa nahisgutan nga lugar, ang biktima nikanaog sa truck ug niadto sa tindahan.

Giingong giuhaw kini, nipalit sa sari-sari store og energy drink aron unta magpabugnaw ug mo-relax gumikan sa kainit sa panahon.

Apan naputol ang pag-habwa sa mga truck boy kay misinggit og panabang ang tag-iyang babaye sa tindahan tungod sa kalit nga pagkirig sa biktima.

“Naglain na daw’ng daan ang lawas ani niya. Unya miinom na man siyag pain reliever, pero walay gisulti nga gihilantan o bisan unsa,” dugang ni PO2 Nadorra.

Ang tag-iya sa tindahan miingon nakugang kay human nahurot sa pag-inom ang energy drink kalit kining nikurog dayon wa na maglihok.

Naratol sila lakip ang mga truck boy, way bisan usa nga nakahatag og 1st aid sa biktima.

Pag-abot sa mga pulis, naglingkod kini nga wa nay panimuot.

Si Nadorra niingon nga gisugyot nila sa kabanay nga ipaubos sa autopsy ang lawas sa biktima aron masuta unsay namatyan niini.

Matod niya nga di sila makasulti kon dunay foul play o wa hangtod nga walay resulta sa autopsy sa lawas niini, sanglit dunay mga pagduda nga posibling giataki sa kasingkasing, o kaha na heat stroke tungod sa kainit.

Kaluoy.

Tubig na lang unta tingali diay ang giinom...

murag napaakan ug Cobra?

Quote from: Mike Ortega Ligalig on June 08, 2014, 12:55:13 AM
murag napaakan ug Cobra?

Hmm, kini galing ang giinom...

kahadlok ba.

O kaha kini...

mao niy cobra nga makapatiurok gyud