MikeLigalig.com

SuperBalita Davao
Thursday, January 30, 2014


STA. CRUZ, Davao del Sur -- Naaktuhan sa kapulisan ang duha ka mga lalaki nga ilegal nga namutol og kahoy atol sa ilang pagresponde sa taho sa molupyo didto sa Purok Dalisay, Barangay Bato, alas 4:00 sa hapon, Miyerkules.

Giila ang mga suspek nga sila si Renato Lasarte Loyola, 65, ulitawo, ug Dominador Cabatan Estremos, 49, minyo, pulos molupyo sa Barangay Sinawilan ug Badiang, siyudad sa Digos.

Sumala pa nga gigabas sa mga suspek ang mga punoan sa Alom nga kahoy didto sa lugar apan sa pagsuta sa kapulisan wa silay lisensiya ug permit gikan sa Department of Environment and Natural Resources (DENR).

Nakumpiska gikan sa ilang posisyon ang usa ka chainsaw machine nga ilang gigamit sa pagabas sa mga punoan sa kahoy.

Apan, gitudlo sa mga suspek ang usa ka Teting Formentera, molupyo sa Badiang, nga maoy nagsugo kanila sa pagputol sa kahoy apan wa maabti sa kapulisan.

Sa kasamtangan, gihikay na sa kapulisan ang kasong paglapas sa Presidential Decree 705 kun illegal cutting of trees. (Orlando B. Dinoy)

aruy abi nako headline intsik sad-an.

He he, luoy Insik Islander mingaw Ininsik...