MikeLigalig.com

SuperBalita Davao
Ni Jeepy P. Compio
Monday, January 27, 2014


WALA nay kinabuhi nga na-rescue ang sais-anyos nga batang lalaki human nalumos sa dagat alas 2:15 sa hapon, Dominggo, didto sa Bago Beach, Gulf View, Executive Homes, Davao City.

Ang biktima giila nga si Klauie Gabriel Nanuag, residente sa 8-A, Malanos Street, Barangay Calinan Proper, ning siyudad.

Base sa spot report sa Talomo Police Station, nagtapok ang pamilya gikan sa Calinan sa nasampit nga beach resort aron maglingaw-lingaw.

Paghuman og pangaon buot sa bata nga maligo sa dagat mao nga giubanan sa iyang apuhan nga si Hilaria Teopis, 70.

Giingon nga sa kakusog sa balod, nabuhian sa apuhan ang bata.

Wa na niya masalbar ang bata hinungdan nga nangayo siya og panabang.

Si Cesario Villaver, 42, life guard sa maong resort, misulay pagluwas sa bata apan pakyas siya.

Mga personahe sa Central 911, gipangunahan ni Neil Ryan Bongalo, daling mi-rescue ug midala sa bata sa ospital.

Si Dr. Maricar Lim sa Saint Felix Hospital nagdeklara nga namatay ang bata alas 3:00 sa hapon.

Ang kapulisan nagpahimangno sa mga ginikanan nga bantayan ang mga bata, di pasagdan nga maligo ilabi na og delikado ang kahimtang sa panahon.

Sa ingon ani gani nga sitwasyon, mas bale nga lambangon silag posas aron dili mahimulag ang bata...

paskang luoya.  luoy ang bata, ang apohan, ang ginikanan... ay, ambot.  how does one cope with this tragedy?  may they all find peace soon.