MikeLigalig.com

SuperBalita Cebu
Monday, December 9, 2013


NAKALIKAY sa tinong kamatayon ang usa ka pulis human siya gipusil sa makadaghan sa armadong lalaki nga iyang gisita tu­ngod sa pagdala og armas niadtong Dominggo sa gabii sa Barangay Lawaan 2, dakbayan sa Talisay.

Ang biktima nga sakop sa Philippine National Police (PNP) nga gidestino sa Lapu-Lapu City Police Office giilang mao si SPO2 Roland Melior, 37, minyo, lumolupyo sa Barangay Lawaan 1 sa maong dakbayan.

Ang suspek nga daling nakasibat wa pa mailhi.

Sa imbestigasyon sa Talisay City Police nga samtang nanihapon si Melior sa usa ka kan-a­nan sa naasoy nga lugar niadtong Dominggo sa gabii, iyang nakit-an ang usa ka wa mailhing lalaki nga nagbitbit og armas nga nagbarog sa luyo sa kan-anan.

Giduol siya ni Melior ug gipangutana niya kini kon aduna bay papeles ang armas niini.

Dihang nasayran sa suspek nga usa ka pulis ang miduol kaniya, nidagan kini ug gipusil ang pulis sa makadaghang mga higayon.

Nakuha gikan sa crime scene ang gigamit nga kalibre .38 nga armas sa gunman nga daling nilabay niini. Jic Mandel M. Quebec, CIT-U Mass Comm Intern

Sa akong paminaw, dili ni tungod kay abilidaran ang pulis kondili, butol ug toytoy lang jud ang namusil.