MikeLigalig.com

Ni Bryner Diaz/WC (Banat) | Updated October 27, 2013 - 12:00am


CEBU, Philippines - Gidunggab  patay  sa caretaker sa poultry farm ang  usa  ka   lalaki nga naaktohan nga nangawat  didto sa sitio Tawagan, Barangay Poblacion, lungsod sa Medellin sa alas 9:00 sa miaging gabii.

Ang biktima naila nga si Ian Despacio, hingkod, molupyo sa sitio Tawagan, Barangay Poblacion, lungsod sa Medellin.

Samtang ang suspetsado naila nga si Eulino Pasu-it alyas Linoy, 23, kasamtangang nagpuyo sa sitio Tawagan, Barangay Poblacion, lungsod sa Medellin apan lumad nga taga Masulog II sa dakbayan sa Kanlaon, sa Negros Oriental.

Si SPO1 Orlando Batusil nga nahinabi sa Banat News miingon nga ang biktima mitastas sa pukot nga gikoral sa Jake & Jean Farm aron makasulod.

Matud ni SPO1 Batusil nga naaktohan ang biktima sa suspetsado nga nagbitbit sa manok nga igtatari nga gibantayan niini busa gigukod dayon niya kini.

Sumala pa ni SPO1 Batusil nga nakabantay ang biktima nga nakit-an siya sa suspetsado ug misulay kini og dagan palayo apan naapsan kini sa suspetsado.

Gidunggab sa suspetsado ang biktima gamit ang usa ka butcher knife sa makapila ka higayon nga maoy hinungdan sa iyang kamatayon.

Nakaangkon og  samad dinunggaban ang biktima sa iyang lawas ug naigo usab ang iyang kidney ug ang tinai sa biktima.

Sumala pa ni SPO1 Batusil nga mibutyag ang Municipal Health Officer sa Medellin nga si Dr. Jude Palilio nga ang samad sa dapi-dapi, tiyan ug sa wala nga dughan sa biktima maoy hinungdan sa iyang kamatayon.

Midugang  si SPO1 Batusil nga sa miaging semana adunay nitaho sa ilang buhatan nga gilungkab sa biktima ang usa ka videoke machine.

Ang suspetsado dali ra usab nga mitahan sa iyang kaugalingon sa kapolisan ug ang 13 ka pulgadas nga kutsilyo nga maoy gigamit niini sa pagdunggab sa biktima. (BANAT NEWS)

Grabe. Giseguro man jud nga matodas. Pilahay ra gud untay hiniktan...

tsk, tsk.  dahil lamang sa isang manok.  badlungon man gyod tuod tawhana kay mora man ug repeat offender, pero patyon?  nahinaykan intawon tingali.

kini gyod hinoong known thieves sa cebu really have it going.  sa amo dapit naay reputasyon nga barangay ug mga kawat@n ug airport ug mga aswang.  tag-ana kun asay mas hadlok sa duha...

kun di molayas kadiyot samtang init pa ang hongihong bahin sa ilang pagpangawat, in-out-in-out ang mga kawat@n sa prisohan, 2 to 10 months lang sa sulod.  paggawas, mangawat na pod.  madungog dayon sa community nga nakagawas na si so-and-so, mao nga kinahanglan magbantay na pod ang katilingban.  even jail time could not deter them.  kapoy baya.   

wa nay mangawat ug manok didto..

Quote from: bugsay on October 27, 2013, 03:50:13 PM
wa nay mangawat ug manok didto..

Nahimo diay intawon nga iksampol...

Hinaot unta nga wa nay kawatag manok, unya wa na puy mopatayg kawatag manok, kana kon aduna pay isog nga mobuhat sa ingon...

Mirisi pangawat pa

lisod na jud tingali e control ug naa naka sa maong sitwasyon,bacn naa sab dala nga makapatay tong k******n mao nga gisiguro sab.