MikeLigalig.com

SuperBalita Cebu
Ni Guam P. Logroño
Thursday, July 18, 2013


NASIAK ang agtang sa usa ka inahan human gitigbas-patay atubangan mismo sa 3-anyos nga anak sulod sa ilang balay kagahapon sa alas 7:30 sa buntag sa Barangay Magdaugo, dakbayan sa Toledo.

Ang biktima mao si Analiza Baclaan, 30, minyo, lumad nga taga dakbayan sa Tagbilaran City.

Si SPO1 Jemelon Cotmaya, desk officer sa Toledo Police nga nahinabi sa dySS Super Radyo/Sun.Star Superbalita, nagkanayon nga ang bayaw niining si Linda Alferez Baclaan maoy nakakita sa biktima.

Si Linda nibutyag sa kapulisan nga nakit-an niya ang 3-anyos nga anak sa biktima nga nagsuroysuroy nga nag-inusara sa gawas sa panimalay.

Gitawag niini ug gipangutana kon asa ang iyang mama, apan ang bata murag dunay gikahadlukan hinungdan nga gidali niya sa pagduol.

Gisulod niya ang pa­nimalay maoy nisugat sa iyang duha ka mata nga nagbuy-od ang biktima nga naligo sa kaugalingong dugo diha sa lawak nga wlay kinabuhi.

Gipahibalo nila ang mga Baragay opsiyal ingon man ang kapulisan sa maong hitabo.

Si Chief Insp. Michael Bastes, hepe sa Toledo Police, nagkanayon nga usa sa posibling angulo sa krimen nga ilang tan-awon ang love triangle.

Gipasabot niini nga duna silay nadawat nga report nga gikatahong may uyab ang biktima diha sa lugar.

Ang bana sa biktima usa ka construction worker ug gikatahong matag buwan lang mopauli o usahay matag semana.

Ang bana lakip sa imbestigaron ug ilang tan-awon ang background niini kon nipauli ba o wala atol sa krimen.

Sanglit ang mga silingan sa lugar wala makakita niini, samtang wala sab silay nabati nga dunay singit sa wala pa madeskubrehi ang patayng lawas sa biktima.

Si Bastes nipadayag nga ang 3 anyos nga bata na-trauma ug dili pa usab makasulti sa pagmaayo kun si kinsay nagpatay sa iyang mama.

Wala isalikway sa kapulisan nga ang maong tawo dunay grabing kalagot sa biktima sang­lit gituok pa kini una gitigbas samtang natulog.

Gipaabot sab sa kapulisan ang resulta sa autopsy sa patayng lawas sa biktima.

Ang bata gi-turn-over sa kapulisan ngadto sa mga sakop sa Department of Social Welfare and Development (DSWD) aron makaatiman sa panginahanglan niini.

Kaluoy sa gipatay. Bol-anon ra ba.

Quote from: hubag bohol on July 20, 2013, 07:48:22 AM
Wala isalikway sa kapulisan nga ang maong tawo dunay grabing kalagot sa biktima sang­lit gituok pa kini una gitigbas samtang natulog.

Hmm, morag gipukaw aron masayod kinsay mopatay niya...

May God have mercy and grant peace. In Jesus Name, I pray. Amen.