MikeLigalig.com

by SunStar
Ni Philip A. Cerojano

GIPANINGLAN ni talent manager Annabelle Rama ang iyang ig-agaw nga si Mayor Michael Rama sa P3 milyones nga campaign funds nga gigamit sa Team Rama sa miaging eleksyon.

Sa phone interview sa Sun.Star Superbalita, si Annabelle nipahungaw sa iyang gibati
human napakyas ang Team Rama sa paghatag sa igong boto nga makapadaog kaniya isip kongresista sa Cebu City north district batok ni Congressman-elect Raul Del Mar.

“Ang ako ni Mayor Mike Rama, i-refund na lang to akong gihatag (nga P3 milyones) para sa watchers. Iuli nalang to. Iuli na lang nila kay wa man gyud nila na-deliver (ang boto). Wa man koy lawyer,” nagkanayon si Annabelle.

Siya nipasangil nga gibiyaan siya sa Team Rama, apan matod niya nga wa masayod ang iyang ig-agaw nga mayor niini.

“Mao gyud nang nangluod ko anang Team Rama kay wala gyud ko nila bantayi. Sa last minute, ila ko gilaglag. Gibaligya ko sa ubang grupo,” dugang sa inilang talent manager nga Cebuana.