MikeLigalig.com

http://www.sunstar.com.ph/
Wednesday, February 20, 2013


MAGSAYSAY, Davao del Sur -- Gibunalan ug dos por dos nga kahoy sa usa ka lalaki ang silingan human nga nasakpan nga nakighilawas sa iyang 32 anyos nga live-in-partner alas 4 sa kaadlawon niadtong Martes.

Sumala sa taho sa kapulisan sa Magsaysay Police Station nga naaktuhan ni Pedrito Maglangit ang silingan nga si Temotio Restauro, 54, molupyo sa Barangay New Ilocos nga naghimo ug milagro uban sa iyang kapuyo alyas Jean.

Nasayran nga sayo nga mibiya sa balay si Maglangit aron nga moadto sa iyang umahan, apan samtang mopadulong na unta sa umahan, namatikdan niyang dunay nagsunod niyang tawo hinungdan nga dali siyang mitago sa ngitngit nga dapit aron maniid.

Matud ni Maglangit nga daling miadto sa balay ni Jean ang maong suspek. Daling mibalik sa balay si Maglangit ug nahibung nga kalit lang napawong ang suga sud sa ilang panimalay.

Naniid siya sa likod sa ilang balay ug sa dihang nakompirma nga adunay milagrong nahitabo, paspas nga mikuha siya ug ginabas nga dos por dos nga kahoy ug misaka sa balay.

Naaktuhan gyud ni Maglangit ang naghilawas si Restauro ug ang iyang kapuyo hinungdan nga gibunalan niya ug kahoy ang likod ni Restauro nga natabunan sa habol ug nagpatong kang Jean.

Maayo na lang nga daling nakagawas si Restauro sa balay hinungdan nga wala mapatay ni Maglangit.

Gitamparos sab ni Maglangit ang iyang kapuyo sa nawong tungod sa kasuko.

Daling midangop si Maglangit ngadto sa kapulisan, hinungdan nga nadakpan si Restauro.

Apan sa gihimong imbestigasyon sa mga otoridad, hugot nga gihimakak ni Restauro nga duna silay tago nga relasyon ni Jean.

Matud niya nga igo lamang sila nga nag-istorya ni Jean niadtong higayuna sulod sa balay ug wala silay dautang gibuhat.

Bisan si Jean nanghimakak sab sa pasangil sa kapuyo nga nakig-sex siya sa ilang silingan ug nagkanayon nga tumo-tomo lang kini.

Gani nagbahad si Jean nga pasakaan niya ug kaso si Maglangit tungod sa nahiaguman niyang bun-og sa nawong, apan mibarog si Maglangit nga tinuod nga iyang nakita.

Gani, duha na ka tuig nga iyang gipanid-an ang kapuyo gumikan kay natahap siya nga aduna siyay relasyon kang Restauro ug niadto lang Martes iyang nakompirma ang tanan.

Sumala ni Maglangit nga wa na siyay tinguha nga moduso ug kaso batok sa iyang asawa kay plano niya karon nga ihatag na lang ang iyang kapuyo ngadto sa lalaki ug magbuwag na lang sila. (Orlando B. Dinoy)

Quote from: hubag bohol on February 22, 2013, 03:52:47 PM
Sumala ni Maglangit nga wa na siyay tinguha nga moduso ug kaso batok sa iyang asawa kay plano niya karon nga ihatag na lang ang iyang kapuyo ngadto sa lalaki ug magbuwag na lang sila.

Hmm, sakto ba kaha ning solusyona...

niingon ang babaye nga walay nahitabo kay gaestorya lang sila. sayo ra pud ang alas kwatro (4) sa kadlawon nga magsugod ug estorya.

He he, unsa kahay giestoryahan. Basin gapahubad sa damgo ang lalaki...

hehehe. basin pud ug naghisgot ug basic lessons on human anatomy with a on-the-spot hands-on demo.

Bitaw, basin gapatudlo si Jean sa iyang silingan aron ginamit ang iyang nakat-onan, kahatagan niyag katagbawan ang iyang kapuyo...

Quote from: hubag bohol on February 22, 2013, 03:54:35 PM
Hmm, sakto ba kaha ning solusyona...

sakto ra ni bai hubag... gasto raman gud ng mopasaka pata og kaso unya dili gihapon mabalik niya ang babaye... maypa wala nalang to niya bunali.. niapil nalang unta cya 3some bah para makapili jud ang girl kung kinsa angayan nila...

Quote from: Votives on February 25, 2013, 09:27:40 AM
sakto ra ni bai hubag... gasto raman gud ng mopasaka pata og kaso unya dili gihapon mabalik niya ang babaye... maypa wala nalang to niya bunali.. niapil nalang unta cya 3some bah para makapili jud ang girl kung kinsa angayan nila...

Agoi, lisod galing kay ang lalaki man maoy gapatong...