MikeLigalig.com

Ni Guam P. Logroño


MAG-UUMANG biyudo niangkon nga maoy nipatay sa usa ka tiguwang babaye dayon gilabay sa pang­pang human mibalibad sa gitanyag niining gugma.

Una niini, si Adeliza Rabaño, 65, dalaga, mag-uuma, napalgan sa batuong bung-aw nga daghan og samad sa iyang ulo ug kalawasan niadtong Huwebes sa gabii sa hilit nga lugar sa Barangay Butong, lungsod sa Argao.

Si Cresenciano Comaling, 64, mag-uuma gidakop sa ilang mga barangay opisyal niadtong Sabado sa buntag human niangkon sa krimen.

Si Insp. Alejandro Batobalonos, hepe sa Argao Police, niingon nga si Comaling nitahan sa iyang par­yenti nga si Kapitan Ricardo Comaling.

Matod ni Batobalonos, dugay na nga biyudo ang suspek ug sa ilang nahibaw-an nangulitawo kini sa biktimang dagang-guwang.

Nagtuo sila nga kini maoy hinungdan nganong gipatay ang biktima nga posibling nasuko kini kay gibalibaran sa iyang gugmang gitanyag.

Si SPO1 Arnold Abenir, imbestigador sa Argao nga nahinabi sa Sun.Star Superbalita, niingon ang suspek kadudahan na og lihok human sa krimen.

Giingong nakit-an kini sa iyang mga silingan nga nagdali pagkuhag dakong bato nga gitabon sa lungag didto sa may crime scene.

Gikatakda kining pasakaan og tukmang kaso karong adlawa.


Gipatik sa mantalaang SuperBalita Cebu Desiembre 17, 2012.

Pastilan!  Pagkawala mong puangod, O Gugma!

65 vs 64 tsk tsk.. dapon2x nalang gyud ang mahimo maung wala musogot si lolla kay basig mabergenan sija yataps noon..

Quote from: Pikoy on December 17, 2012, 12:55:36 PM
65 vs 64 tsk tsk.. dapon2x nalang gyud ang mahimo maung wala musogot si lolla kay basig mabergenan sija yataps noon..

Basin gustong bawnon ang kabergen paingon sa lubnganan...

pugsanay ba diay, naunsa... mora man si manoy ug gikapoy nag panguma mao nga gusto unta niyang makaasawa ug maoy nay mag-uma para niya.

Quote from: islander on December 17, 2012, 03:31:47 PM
pugsanay ba diay, naunsa... mora man si manoy ug gikapoy nag panguma mao nga gusto unta niyang makaasawa ug maoy nay mag-uma para niya.

Wa ka kasabot. Love of his life gud. Gahuwat siya a la Florentino Ariza...

maayo si florentino ariza kay gahuwat nga gatokar-tokar ug violin unya wa man maminyo.  kini siya kay biyudo man.

Quote from: islander on December 17, 2012, 05:28:47 PM
maayo si florentino ariza kay gahuwat nga gatokar-tokar ug violin unya wa man maminyo.  kini siya kay biyudo man.

He he, wa tuod maminyo si Ariza but he slept with more than 600 women before he finally married the love of his life...