MikeLigalig.com

Ni Sanden J. Anadia (Banat) Updated November 01, 2012 12:00 AM


CEBU, Philippines - Gilabhan pag-ayo ni Annabelle Rama kagahapon ang magsisibya nga si Leo Lastimosa gumikan kay matud pa nagpataka lang kini og tabi sa iyang baba.

Si Annabelle kinsa modagan pagka-kongresista sa north district sa dakbayan sa Sugbo nasuko nga gikuwestyon ni Leo ang wala pag-apil sa linya sa mga nagparehistro sa iyang anak nga si Ruffa Guttierez sa pagparehistro niini sa buhatan sa Commission on Election- Cebu City niadtong Martes.

“Hoy Leo, ayaw pataka og buka sa imong baba. Ayaw diretso og react kung wala ka kabalo imong gipangyayaw. Naminaw ko sa imong programa, magsige lang ka og panaut ni Ruffa. Ako’y atubanga,isog man kaha ka?,” matud pa ni Annabelle.

Nagkanayon si Annabelle nga andam gyud molinya si Ruffa apan gitambagan siya sa election officer nga si Atty. Marchel Sarno nga modiretso na lang sila sa opisina sanglit kagubtan gyud si Ruffa sa mga tawo ug basin mao kini makaingon nga maguba ang linya sa magparehistro.

“Unsa man ka? Deretso ra man kag yawyaw, wala mana’y problema namo nga molinya. Ang resulta man gud, magkagubot ang mga tawo, maguba na hinuon ang linya,” dugang pa ni Annabelle.

Nagparehistro usab kagahapon ang lain niya nga anak nga si Richard ug mosuway na unta kini og linya apan gidumogan kini sa mga tawo hinungdan nga midiretso na lang kini sa sulod sa Comelec.

Samtang si Sarno sa iyang bahin miklaro nga dili kini dautan sanglit ilaha ra man nga gipatigbabaw ang seguridad sa nagparehistro sanglit gidomugan naman kini sa mga tawo.

Suma pa ni Sarno nga kung gipalinya nila og apil ang mga artista, makahatag kini og kalangan sa rehistrasyon sanglit ang mga tawo nagubot naman sa pagdumog sa maong mga artista sa pelikula (WC)(BANAT NEWS)

Limpyo kaayo kay gisabonan, gikusokuso, gipalupalo, giwaswasan, gilubagan...

nagsugod na'g gil-it ang tango ni anabel...

Wa pa mowitik ang ikog...

naa pa'y sanggot sa way respeto..

Tayaon ra ba, gibang pa gud...