MikeLigalig.com

Ni Guam P. Logroño

Saturday, October 20, 2012

MANANAGAT nakulatahan human nadakpan sa pagpakatap og daghang fake money nga iyang gipusta atol sa 3-cock derby alas 8 sa miaging gabii sa Barangay Bojo, lungsod sa Aloguinsan, Sugbo.

Si Jerry Paler, 44, minyo, mananagat, taga Barangay Tungatunga, Maasin Leyte, wa makalikay sa mga nagpungasing kinumo sa mga sugarol nga ningtambong sa derby sulod sa Cockpits Arena sa nahisgutang lugar.


Si Paler nakuhaan sa mga fake money nga nibalor og P33,600.

Kini gilangkuban sa 22 ka tag P1000; 22 ka tag P500; ug tulo ka tag P200.

Si PO2 Rolly Navarro, desk officer sa Aloguinsan Police nga nahinabi sa Sun.Star Superbalita nagkanayon nga usa ka concerned citizen maoy nitawag sa ilang buhatan.

Nipahibawo kini nga dunay tawo nga nagpalusot sa mga fake money sulod sa Cockpits Arena atol sa derby nga nadakpan sa mga sugarol.

Sila si PO3 Jehaziel Huyoa ug PO1 Arvin Gicete ningresponde sa lugar.

Sa ilang pag-abot, ang manager sa buwangan mitudlo sa dinakpan ug gipusasan.

Siya gidala sa tambalanan sa lungsud sa Pinamungajan tungod sa mga bun-og.

Si Paler niingon nga nag-inusara siya sa maong lugar alang sa pagpanugal sa derby subay sa nagsingabot nga fiesta sa dapit karong Oktubre 24.

Gibutyag sab niya nga ang mga fake money iyang napalit sa Tabunok, dakbayan sa Talisay.

Ang P1,000 nga peke mapalit sa kantidad nga tag P250. Ang peke nga P500 tag P130 samtang ang peke nga P200 mapalit sa tag P80.

Wa hinuon gibutyag niini ang ngalan sa tawo nga gipalitan niini sa Tabunok, Talisay.

Hinuon nagtuo ang kapulisan nga dunay kauban si Paler.

muray gidangat noon pud........yayay noon....

Naa jud ni sijay kauban kay dili matug-an. Taga Maasin ra ba unta.

Quote from: Pikoy on October 20, 2012, 10:19:38 PM

Si Paler nakuhaan sa mga fake money nga nibalor og P33,600.

Kini gilangkuban sa 22 ka tag P1000; 22 ka tag P500; ug tulo ka tag P200.

...

Ang P1,000 nga peke mapalit sa kantidad nga tag P250. Ang peke nga P500 tag P130 samtang ang peke nga P200 mapalit sa tag P80.

22 x P250 = P5,500
22 x P130 = P2,860
3 x  P80   =   P240

     Total =  P8, 600

Pagkatoytoy... 

nakakaon ug tagam?..

Gipakuntis pa tong kwartaha, molapad pa unta iyang atay...   

Quote from: hubag bohol on October 20, 2012, 10:36:32 PM
Gipakuntis pa tong kwartaha, molapad pa unta iyang atay...   

mahibaw-an man sa western union..

Quote from: bugsay on October 20, 2012, 10:37:41 PM
mahibaw-an man sa western union..

Bwahaha! Delikado tuod. Adto na lang diay ko sa wan sak sapal nga premyo ni Bay Pikoy...

Quote from: hubag bohol on October 20, 2012, 10:43:43 PM
Bwahaha! Delikado tuod. Adto na lang diay ko sa wan sak sapal nga premyo ni Bay Pikoy...

hehehe....maayo'g tinud-on ning Pikoy nga nibutho na man ang orig

Quote from: bugsay on October 20, 2012, 10:50:45 PM
hehehe....maayo'g tinud-on ning Pikoy nga nibutho na man ang orig

Aw, atang lang ta sa sunod nga tsapter. Anything can happen, ika nga. Basig unsa na puy rason...