MikeLigalig.com

2 ka estudyante gipangluba

MITUGPA sa balay tambalanan ang duha ka mga tinun-an human giluba sa laing tulo ka estudyante.

Nahitabo ang insidente alas 4:20 sa hapon niadtong Biyernes didto sa Crossing Inabanga, Kilometer 24, Bunawan, siyudad sa Davao.


Naila ang mga biktima nga sila Roel, 14, taga Buenavista, Panabo City ug Ronel, 14, taga Fatima, Inabanga, Bunawan ning dakbayan nga pulos tinun-an sa Bosque National High School sa Bunawan ning dakbayan.

Samtang mga suspek mao sila Jenmark, 17, taga Budbud, Bunawan; Junmar, 17, taga Licanan, Lasang ug Joven, 16, taga Purok 6, Buhisan, Tibungco nga pulos estudyante sab sa Al Navarro National High School sa Lasang.

Base sa blotter sa Bunawan Police Station, nasayran nga sakay ang mga suspek ug mga biktima sa usa ka dyip.

Nasayran nag gikan ang lima ka mga tinun-an Al Navarro National High School kay mitan-aw sa athletic meet sa maong eskuwelahan.

Apan pag-abot nila sa Crossing Inabanga, kalit nga gipangluba sa mga suspek ang mga biktima dayon naug sa gisakyang dyip ug dayon sibat.

Nakahiagom si Roel og samad linubaan sa tuong bukton samtang si Ronel nalubaan sab iyang likod.

Daling mihimo og follow up operations ang kapulisan, pangulohan ni Police Senior Inspector Reynaldo Capute, hepe sa Bunawan PNP nga miresulta sa pagkasikop sa tulo ka mga suspek.

Nakuha gikan sa mga tinun-an ang usa ka kutsilyo nga dunay gitas-on nga 10 ka pulgadas.

Gituohan nga ang pagpangantiyaw sa duha ka grupo sa tinun-an maoy hinungdan sa maong pagpangluba. (Blue Cordero)

Gipatik sa mantalaang SuperBalita Davao Septembre 16, 2012.

Hawora gud. Kabata pa, mi-entra na sa dinunggabay...

nagsalig man aning balaod nga dili pwede prisohon ang parehong edad nila...

Quote from: hubag bohol on September 16, 2012, 05:35:42 PM
Hawora gud. Kabata pa, mi-entra na sa dinunggabay...

maulagi bai hubs..maau unta ug dinunggabay nga sakit2x unya lami2x ok ra unta..

Quote from: Lollapalooza on September 16, 2012, 05:41:07 PM
nagsalig man aning balaod nga dili pwede prisohon ang parehong edad nila...

Hmm, moundang nag panunggab kon 18 na?

Quote from: Lollapalooza on September 16, 2012, 05:41:07 PM
nagsalig man aning balaod nga dili pwede prisohon ang parehong edad nila...

unsa naman lang diay silot aning mga bataa Lolla nga nakasala man??..Bunawan nalang ug pinatuwad..

Quote from: Pikoy on September 16, 2012, 05:45:25 PM
maulagi bai hubs..maau unta ug dinunggabay nga sakit2x unya lami2x ok ra unta..

Unya unsa may gusto nimong dunggabon, kanang menor de edad?

Quote from: Pikoy on September 16, 2012, 05:49:22 PM
unsa naman lang diay silot aning mga bataa Lolla nga nakasala man??..Bunawan nalang ug pinatuwad..

igo ra na sila i-endorsed sa DSWD tapos iuli ra pod na sa DSWD sa ilang ginikanan.. kung pwede pa lang sobra pa's bunal.. hadlok man pod pulis ma child abuse...

ang ginikanan ang manubag.  hinaot unta.  hilasa ning mga batan-on pa manunggab na.  naa untay balaod nga di tuod mapriso kun wa pay 18, adto na prisohon sa pagka-18.   

Quote from: islander on September 16, 2012, 06:32:24 PM
ang ginikanan ang manubag.  hinaot unta.  hilasa ning mga batan-on pa manunggab na.  naa untay balaod nga di tuod mapriso kun wa pay 18, adto na prisohon sa pagka-18. 

Morag nindot unta ning balaora ma'm isle, pero kung nakadunggab ang bata @ the age of 13 unya @ the age of 18 nagbinuotan na sya..murag looy man paminawon, gawas lang kung bugoy2x lang gihapon..

ang maayo jud unta samtang nakasala nga menor de edad pa..tagaag silot nga makapa amgo..pero ambot lang kung unsang silota ang maayo, suggestion kuno mo b kong unsay maayong silot>? sa mga bata nga nakasala.

Quote from: Pikoy on September 16, 2012, 06:47:37 PM
ang maayo jud unta samtang nakasala nga menor de edad pa..tagaag silot nga makapa amgo..pero ambot lang kung unsang silota ang maayo, suggestion kuno mo b kong unsay maayong silot>? sa mga bata nga nakasala.

Si Bay Tigbao maoy adunay ikasugyot kabahin ani nga tema...