MikeLigalig.com

Friday, September 14, 2012


MALITA, Davao del Sur - Talandugon ang kahimtang sa usa ka 43 anyos nga mananagat sud sa ospital human gisilaban sa kapuyo.

Ang biktima nga giila sa kapulisan nga si Orlando Diamola, molupyo sa Barangay New Argao, maayong pagkasunog ang lawas human nga gidabdaban sa kapuyo ug naa karon sa Southern Philippines Medical Center sa dakbayan sa Davao.

Gisaysay ni Armando Diamola Sr., igsuon sa biktima, ngadto sa kapulisan sa Malita Police Station nga banda alas 3:00 sa hapon niadtong milabay'ng adlaw, nipauli ang biktima nga lango sa ilimnong makahubog.

Pag-abot niya sa balay, nakalalis niya ang kapuyo nga si Andrea Cabalse.

Human sa ilang panaglalis, nakatulog ang biktima tungod sa kahubog ug nilakaw sab si Cabalse.

Apan wa magdahom ang biktima nga nagpalit lang diay og gasolina si Cabalse ug sa dihang mibalik, gilayong gibuboan ang lawas sa biktima ug gisindihan og lighter.

Nisilaob ang lawas sa biktima hinungdan sa pagkahimata niini ug misiyagit tungod sa kainit ug pagkapaso.

Mga silingan dali nga gitabang ang biktima ug gidala sa Malita District Hospital.

Apan wala madugay, gibalhin siya didto sa SPMC tungod kay talandugon ang kahimtang human masunog ang tibuok lawas.

Si Cabalse wala na maabti sa miresponde nga kapulisan apan gipangita na karon aron pasakaan og tukmang kaso sa korte. (Orlando B. Dinoy)

Gipatik sa mantalaang SuperBalita Davao Septembre 15, 2012.

Hmm, bisag wa pa buboi og gasolina, mosilaob tingali gihapon tungod sa kahubog...

moray gidangat...cge hubog2x nya wala nay panahun sa iyang obligasyon kay luya na maypay dauban aron mahuman ang tanan...

maayo kay nabuhi pa siya... ang among silingan last year mao pod gibuhat sa iyang sarili..   miuli hubog, kuha gasolina, gibubo sa sarili ug gisindihan tapos nagkulong sa cr nila ug nikanta "Ang mamatay nang dahil sa'yo" saon man ang asawa nangabit.. luoy mga anak kay gagmay pa.. kita gyud sila sa ilang papa nga sunog..

Quote from: Pikoy on September 15, 2012, 12:13:37 PM
moray gidangat...cge hubog2x nya wala nay panahun sa iyang obligasyon kay luya na maypay dauban aron mahuman ang tanan...

Patay lang permi mao nga di pwede ilubong. Tua na, gitiwasan hinuon...

Quote from: Lollapalooza on September 15, 2012, 12:18:47 PM
maayo kay nabuhi pa siya... ang among silingan last year mao pod gibuhat sa iyang sarili..   miuli hubog, kuha gasolina, gibubo sa sarili ug gisindihan tapos nagkulong sa cr nila ug nikanta "Ang mamatay nang dahil sa'yo" saon man ang asawa nangabit.. luoy mga anak kay gagmay pa.. kita gyud sila sa ilang papa nga sunog..

Kaway hinungdan nga kamatayon. Matawag og tinalawan. Bisag unsaon og pinsar, ang pagtubok usa ka pisot nga hukom.

Quote from: hubag bohol on September 15, 2012, 12:25:43 PM
Patay lang permi mao nga di pwede ilubong. Tua na, gitiwasan hinuon...

, inihaw na patay kung sa tagalog pa..

Hmm, as in double dead?