MikeLigalig.com

Saturday, September 15, 2012


USA ka doktor mitugpa sa iyang tambalanang gitrabahoan human gibunalan sa wa mailhing mga lalaki alas 10:30 sa buntag kagahapon didto sa GMA Compound sa JP Laurel Avenue, siyudad sa Davao.

Base sa blotter sa Sta. Ana Police Station, ang biktima mao si Francis Ryan Gonzales Laganson, 26, ulitawo, resident doctor sa Southern Philippines Medical Center.

Ang biktima lumad nga taga Tagum City ug kasamtangan nga nagpuyo sa GMA Compound, JP Laurel Avenue.

Nasayran nga nahitabo ang insidente samtang naglakaw ang biktima paingon sa iyang giabangan nga apartment.

Gisundan siya sa duha ka lalaki kinsa patraydor nga mibunal kaniya og puthaw makadaghan nga higayon sa kalawasan sa biktima.

Human sa hitabo, suma sa report, daling misibat ang mga lalaki paingon sa wala masayri nga direksiyon.

Ang biktima daling gidala sa SPMC diin padayong giobserbahan kagahapon ang iyang kahimtang ni Dr. Abundo.

Gibisita sa Sun.Star Davao Superbalita ang buhantan ni Dr. Leopoldo Vega, hepe sa SPMC, aron pakisayran sa maong hitabo apan giingon nga tua siya sa kaulohang Manila.

Duna say meeting nga giatiman si SPMC administrative officer Ricardo Jostol.

Dunay nagduda nga basin dunay nasuko nga kabanay sa mga pasyente sa biktima mao nga buot siyang patyon.

Sa pagsuwat ning balita, padayong gisusi karon sa kapulisan aron mailhan ug masikop ang mga responsable.

Gipatik sa mantalaang SuperBalita Davao Septembre 16, 2012.

Quote from: hubag bohol on September 15, 2012, 09:05:03 AM
Dunay nagduda nga basin dunay nasuko nga kabanay sa mga pasyente sa biktima mao nga buot siyang patyon.

Hmm, nasuko kay wa maayo ang pasyente nga ilang kabanay?

Kaluoy pud ni doc, 26 anyos pa ra ba...

naglupad diay ni c doc kay nitugpa man...

Quote from: Pikoy on September 15, 2012, 12:16:19 PM
naglupad diay ni c doc kay nitugpa man...

Ninglupad morag baseball kay gibunawan ni To Bol?

Quote from: hubag bohol on September 15, 2012, 12:21:49 PM
Ninglupad morag baseball kay gibunawan ni To Bol?

Gi bunawan ni To..Boholbohul...

Gipatik sa mantalaang SuperBalita Davao Septembre 16, 2012.

advance man diay ning balitaa bai hubag oi wala paman nitugpa...heeh

Quote from: Pikoy on September 15, 2012, 01:36:33 PM
Gipatik sa mantalaang SuperBalita Davao Septembre 16, 2012.

advance man diay ning balitaa bai hubag oi wala paman nitugpa...heeh

Oi, hala, basin pwede pa makalikay si doc!

Quote from: hubag bohol on September 15, 2012, 01:44:26 PM
Oi, hala, basin pwede pa makalikay si doc!

basin sa pagkakaron nga tym nag lupad pa si doc..