MikeLigalig.com

Ni Dennes R. Tabar

Thursday, June 21, 2012

GIDAKOP sa kapulisan sa dakbayan sa Mandaue ang usa ka inahan kinsa giingong nibilin sa iyang upat pa
ka tuig nga anak sa usa ka basurahan, niadtong Martes sa hapon.

Apan si Carla (di tinuod niya nga ngan), dalaga, taga Sitio Mabolo, Barangay Labogon, Mandaue City, kinsa nasikop
na sa  Pier 1 kay moadto na unta sa Bohol kuyog sa uyab, nanghimakak nga iyang gibilin ang iyang anak sa basurahan.

Matod niya nga sa iyang 80-an­yos nga uyoan niya gibilin ang iyang anak.

Si Basak Police station chief, Senior Insp. Wilson Abot miingon nga duha ka mga sibilyan nga sila
si Melanel Mendoza, 44, minyo, ug Cherry Comendador Ouano, 32, pulos taga sitio Sab-a, Barangay Basak,
Mandaue City, maoy ni-report sa kapulisan nga ang 4-anyos nga anak gibilin diha sa usa ka basurahan.

Si Abot uban sa duha ka mga saksi niadto sa dapit ug didto ilang nakit-an ang bata nga morag adunay gipangita sa mga basura.

Human maluwas ang bata ang kapulisan daling niadto sa pier ug did­to ilang nasikop ang inahan.

Estorya basaha sa Iningles

Gipatik sa mantalaang SuperBalita Cebu Hunyo 22, 2012.