MikeLigalig.com

Ni Lesley Caminade-Vestil/EIM (Banat) Updated March 12, 2012 12:00 AM


CEBU, Philippines - Naputol ang panaglalis sa magtiayon human giingong kalit nga nagpusil sa iyang kaugalingon ang usa ka bana pasado alas-6 sa miaging gabii sa barangay Perrelos syudad sa Carcar.

Ang nagpusil nailhan nga si Raymund Encabo, 23, molupyo sa maong lugar kinsa gikatahong nagpusil sa iyang liog nga maoy hinungdan sa iyang kamatyon.

Sa pakighinabi sa Banat News ni PO3 Rosendo Binondo sa Carcar Police Station kinsa usa sa mga nag-imbestigar sa maong kaso mibutyag kini nga base sa ilang nakuha nga impormasyon gikan sa asawa sa naghikog nga si Cherry Mae naglalis silang duha sa wala pa ang hitabo.

Matud pa sa mga polis nagpunay og yawit ang bana ngadto sa asawa tungod kay giingong na-short kini og P200 sa trabahoan apan wala kini tubayi sa asawa hangtud nga sila namahuway na.Apan bisan sa ilang paghigda giingong padayon gihapon sa pagyawit ang bana ug daw nahiubos nga wala siya tingugi sa asawa ug kalit lang miingon “unsa man maghikog ko?”

Bisan paman sa maong pangutana sa bana matud pang Binondo wala gihapon manumbaling ang asawa hangtud nga nakadungog nalang kini og usa ka buto sa armas.

Sa paglingi sa asawa nagkadugo na ug nagkupot pa sa usa ka kalibre .38 rebolber ang bana niini nga giingong maoy gigamit sa pagpusil.

Daling gitabang sa asawa ang bana ug gidala sa Carcar City District Hospital apan nakabsan gihapon kini sa iyang kinabuhi.

Matud pa ni Binondo nga ilang gipalawman ang imbestigasyon kalabot sa maong insidente ug gani, ilang gilakip sa pag-imbestigar ang asawa tungod kay sila lang duha ang diha atol sa insidente.

Dugang pa ni Binondo nga ilang gipaubos sa paraffin test ang mga kamot sa bana aron masayran kun may gunpowder residue sa mga kamot niini nga usa sa timailhang nakapabuto kini og armas.

Wala nalang nila iapil sa pag-paraffin test ang asawa tungod kay mabdos kini.  - BANAT NEWS

Ngano man uroy nga maghikog kay wa tubaga? First of all, nganong magyawyaw man? Pagkatoytoy...

Bay Bugsay, ayaw tawon pag-ingon ani...

luoy ang bata nga di na makakita sa iyang amahan.

Luoy pud ang amahan nga di kakita sa iyang anak...

Luoy pud ang inahan nga di kakita sa amahan nga nakakita sa iyang anak...

Quote from: hubag bohol on March 12, 2012, 07:04:45 PM
Luoy pud ang inahan nga di kakita sa amahan nga nakakita sa iyang anak...

unlan nalang tawon ang pahimungtan

Ug sa tanto niyang pahimungot
Ang naani misamot ang kunot...

Quote from: hubag bohol on March 12, 2012, 07:24:01 PM
Ug sa tanto niyang pahimungot
Ang naani misamot ang kunot...

nangandiis ang lubot
sa tantong kumotkumot?

Quote from: bugsay on March 12, 2012, 07:29:06 PM
nangandiis ang lubot
sa tantong kumotkumot?

Kon nangandiis, wa diay kumota
Gituplok diay, nga perting kusoga...

Sakto man tong gibuhat sa asawa nga wala motubay sa yawyaw sa bana. Kung nitubay pa, mosamot kasilaob ang gibati sa bana.

Sakit palandungon nga gamay ra kaayo nga butang, hikog ang nakab-ot nga desisyon. Wala uroy mahinugon ang bana nga mawad-an sa amahan ang umaabot niyang anak.

Quote from: TUBAGBOHOL.com on March 12, 2012, 07:56:41 PM
Sakto man tong gibuhat sa asawa nga wala motubay sa yawyaw sa bana. Kung nitubay pa, mosamot kasilaob ang gibati sa bana.

Sakit palandungon nga gamay ra kaayo nga butang, hikog ang nakab-ot nga desisyon. Wala uroy mahinugon ang bana nga mawad-an sa amahan ang umaabot niyang anak.

Luoy. Wa tawoy training sa crisis management...