MikeLigalig.com

Ni Darrel Carumba (Banat) Updated March 09, 2012 12:00 AM   


CEBU, Philippines - Gidakop ug gibalhug sa bilanggoan ang usa ka 22-anyos nga lalaking gipasanginlang milugos sa 12-anyos nga tinun-an sa grade six nga iyang silingan diha sa bukirang barangay sa lungsod sa Oslob niadtong Miyerkules sa alas 5:00 sa hapon.

Ang biktima mitumbok sa suspek nga si Vicente Mirambel, 22, estambay ug nagpuyo usab sa susamang dapit.

Matud ni PO2 Ray Angelo Agustin sa Oslob Police Station kinsa usa sa arresting officer ni Mirambel dihang nahinabi sa Banat News paingon nang mopauli ang biktima gikan sa eskuylahan dihang kini giatangan diha sa gipuy-an sa suspek.

Tungod kay mas kusgan ang suspek walay nahimo ang biktima dihang giguroy kini ngadto sa baol ug didto gipahimuslan dungan sa paghulgang kini patyon kung mosukol o motug-an sa iyang gibuhat.

Apan pag-abot sa ilang panimalay gisumbong sa biktima ngadto sa inahan ang gibuhat sa suspek kinsa dali sab misumbong sa kapolisan. Ang suspek nasikop sa mga polis ug gihikay na ang kaso batok kaniya. (/EIM) (BANAT)

putlan!