MikeLigalig.com

Friday, March 2, 2012


DIGOS CITY -- Gikompirma sa Digos City Police Office (DCPO) nga nag-atubang sab og kasong pagpanglugos ang 34 anyos nga suspek nga gitudlong nanamastamas sa 6 anyos nga babaye niadtong Lunes sa gabii.

Hingpit nang giduso sa Women and Child Protection Desk (WCPD) ang kasong pangpalugos batok kang JunJun Vasquez.

Lakip sa gipasakang kaso mao ang kalapasan sa Republic Act 7610, kun Anti Child Abuse Law.

Ang biktimang gitago sa ngalang Nene nitug-an sa kapulisan nga gidala siya sa kalibunan ug gitiuna'g kutsilyo sa suspek ug gibaharan nga patyon kon mosumbong sa nahitabo.

Base sa paghiling sa mga doktor sa Davao del Sur Provincial Hospital, positibong nahilabtan ang bata.

Matud ni Superintendent Solomon de Castilla, hepe sa DCPO, nga hubog ang suspek sa dihang gihimo niya ang pagpanamastamas sa bata.

Apan gilimod sa suspek nga gihimo niya ang salaod sanglit wala siya sa ilang lugar niadtong gabhiona.

"Ambot lang unsang orasa na nahitabo kay wala man ko diha," pangulipas niya.

Apan matud ni de Castilla, ilang nasuta nga aduna sab kasong pagpanglugos nga giatubang ang biktima didto sa dakbayan sa General Santos.

Gumikan niini, makig-alayon ang DCPO sa kapulisan sa Gensan aron subayon ang dagan sa maong kaso.

Makakalulooy ang kahimtang sa bata nga anaa pa sa bay tambalanan kay gawas sa na-trauma, nagping-it sab sa kasakit nga iyang nahiaguman sa suspek nga nabilanggo na karon. (Orlando B. Dinoy, SuperBalita Davao)

Lugosero jud diay kon tinuod man ugaling... 

Quote from: hubag bohol on March 03, 2012, 07:57:19 AM
Makakalulooy ang kahimtang sa bata nga anaa pa sa bay tambalanan kay gawas sa na-trauma, nagping-it sab sa kasakit nga iyang nahiaguman sa suspek nga nabilanggo na karon.

Matay pud ning mga peryodikoha, sapayan pa ba gud nga imantala ni nga detalye...

mura man ug nag-set ug world record ning animal nga manlulugos.