MikeLigalig.com

Ni Guam P. Logroño
Monday, January 2, 2012

GITIGBAS sa usa ka mag-uuma ang iyang ig-agaw nga ulitawo nga iyang nasakpan nga nagpatung sa iyang asawa niadtong gabii sa Bag-ong Tuig gikan siya nga nag-inom.

Sa iyang kasuko nga iyang nakit-an ang iyang ig-agaw ug ang iyang asawa sulod sa balay sa nahauna nga naghilawas, dali nga giibot ni Jun (di tinuod niyang ngan) ang 18-pulgadas niyang sundang, iyang gitigbas sa makadaghan ang iyang ig-agaw nga si Rex, 40.

Didto niya masakpi ang duha sa sulod sa balay sa biktima sa Brgy. Lamesa, lungsod sa Balamban, Sugbo.

Ang nawong ni Rex gihulagway sa kapulisan sa Balamban nga napikas ug natabas sab ang buko-buko, liog ug bukton human tigbasa ni Jun.

Nakaeskapo si Lea nga hubo ang tibuok lawas pinaagi sa paglayat sa bintana samtang si Rex nga naabtan sa kapulisan hubo sab ug nihangyo nga di nagpaiwag kay mauwaw siya nga hubo ang tibuok lawas.

Ang magtiayon dunay tulo ka mga anak.

Si SPO1 Julius Obañana, desk officer sa Balamban Police nga nahinabi sa Sun.Star Superbalita, niingon nga sila si Rex ug Lea didto naabtan sa lawak sa balay sa nahauna.

Matod ni Obañana nga niadtong Disyembre 31 sa gabii, si Jun nalingaw sa pag-inom sa ilimnong makahubog uban sa iyang mga paryente alang sa pagsugat sa Bag-ong Tuig.

Nianang mga alas 8 sa gabii, nakahukom siyang mopauli sa ilang balay pipila lang ka metros ang gilay-on sa iyang giimnan.

Apan sa iyang pag-abot sa ilang balay, wa na ang iyang asawa hinungdan nga iyang gipangita sa balay sa iyang mga silingan ug paryente samtang nagtakin og sundang.

Sa iyang pagsusi sa iyang ig-agaw, sa lawak ni Rex, maoy nisugat sa iyang duha ka mga mata ang iyang asawa nga hubo nga gipatungan sa biktima nga hubo usab.

Wa maglangay si Jun, iyang giibot ang 18-pulgadas nga sundang dayon gitigbas ang buko-buko, liog, bukton ingon man nawong sa biktima.

Patyon unta ni Jun ang iyang asawa apan nakaambak kini sa bintana nga hubo ang tanang lawas ug nikaratel sa pagdagan sa kalibunan nga wa na maabti pa sa suspek.

“Kritikal siya (Rex) kay ang iyang mga samad dagko kaayo. Ang nawong gud napikas. Maayong pagkabuak kay naapil sa pagkaigo ang bukog niini dihang gitigbas. Makasulti pa pero grabi. Gidala sa Vicente Sotto Memorial Medical Center (VSMMC),” sumala pa ni Obañana.

Si Barangay Kapitan Willy Alvarado daling nitawag sa kapulisan.

Naabtan nila ang biktima nga naligo sa kaugalingong dugo nga hubo ang tibuok lawas.

Ang biktima nitug-an nga ang iyang ig-agaw nga bana sa iyang gika-sex maoy nitigbas kaniya sulod sa iyang balay.

Nihangyo siya sa mga pulis nga di siya paiwagan sa flashlights kay mauwaw siya nga makita ang iyang kinatawo samtang gitabang siya ug gidala sa tambalanan dinhi sa dakbayan sa Sugbo.

Samtang ang suspek wa na igkita human daling nisibat human sa krimen.

Nakuha hinuon sa kapulisan ang sundang nga gigamit niini sa krimen.

Apan way bisan usa ka kabanay sa biktima ang nipatim-aw sa police station sa pagsuwat ning taho samtang nagpaabot ang kapulisan sa pagsang-at sa pormal nga reklamo.

Gibutyag ni Obañana nga tak-om ang mga silingan ingon man wa nila isalikway nga nauwaw ang mga kabanay sa biktima, ingon man sa babaye.

Nakadawat silag report nga mo-surrender si Jun apan posibling gipangita pa niini ang iyang asawa.

Nagtuo ang kapulisan nga duna nay nahibaw-an labot sa di maayong binuhatan sa iyang asawa ang bana hinungdan nga kalit kining nipauli sa ilang balay. -- Gipatik sa mantalaang SuperBalita Cebu Enero 03, 2012.

Quote from: hubag bohol on January 03, 2012, 01:34:26 PM
Sa iyang pagsusi sa iyang ig-agaw, sa lawak ni Rex, maoy nisugat sa iyang duha ka mga mata ang iyang asawa nga hubo nga gipatungan sa biktima nga hubo usab.

Wa maglangay si Jun, iyang giibot ang 18-pulgadas nga sundang dayon gitigbas ang buko-buko, liog, bukton ingon man nawong sa biktima.

Hmm, ambot lang kon nakaibot pa ba ang biktima...

Ngano uroy nga wa man kahuwat ug laing adlaw, bag-ong tuig dako man jud nagmilagro ang asawa.

No crime nga nabuhat sa bana nga gibudhian. Pait lang kay ig-agaw ang nakaako ug mansa sa kadungganan sa pamilya. Nahitabo pud ni sa amo. Nakalayat lang sa bintana kay kung wala pa, pikas unta pud kay naabtan man gyud nga gataroy pa si manoy.

Wa dihay maghanda ang asawa ug masima-sima para sa Bag-ong Tuig. Di ba kaha pud nga panagsa ra gihiling ang asawa mao lain nalang ang niutingkay. Duna pa seguroy laing mga gumonhap nga nagpaluyo niini.

Mao to ang giingon," Love one another."

KKK, Nong. Kinawat-Kawat nga Kalipay

Quote from: Mike Ortega Ligalig on January 03, 2012, 03:29:48 PM
Ngano uroy nga wa man kahuwat ug laing adlaw, bag-ong tuig dako man jud nagmilagro ang asawa.

Hmm, basin inadlaw ang tulumanon, unya di pwede nga sal-angan tungod lang kay Bag-ong Tuig...

Quote from: Mike Ortega Ligalig on January 03, 2012, 03:36:36 PM
No crime nga nabuhat sa bana nga gibudhian. Pait lang kay ig-agaw ang nakaako ug mansa sa kadungganan sa pamilya.

Wa ba kaha pud magkulang ang bana sa iyang kaakohan mao nga giluwas na lang sa ig-agaw ang kadungganan sa ilang kaliwat...

Quote from: Mike Ortega Ligalig on January 03, 2012, 03:48:59 PM
Wa dihay maghanda ang asawa ug masima-sima para sa Bag-ong Tuig. Di ba kaha pud nga panagsa ra gihiling ang asawa mao lain nalang ang niutingkay. Duna pa seguroy laing mga gumonhap nga nagpaluyo niini.

Hmm, malagmit wa magkatakdo ang ideya sa panginahanglan. Nagtuo tingali ang bana nga sakto ra ang kausa sa usa ka adlaw, pero ang asawa nanginahanglan og kaduha o katulo...

Quote from: fdaray on January 03, 2012, 04:05:55 PM
Mao to ang giingon," Love one another."

Hmm, pwede pud "Love another one?"

Quote from: Mike Ortega Ligalig on January 03, 2012, 04:26:30 PM
KKK, Nong. Kinawat-Kawat nga Kalipay

O kaha, Kinawat nga Kijud-Kijud...

Quote from: Mike Ortega Ligalig on January 03, 2012, 04:26:30 PM
KKK, Nong. Kinawat-Kawat nga Kalipay

Quote from: hubag bohol on January 03, 2012, 09:48:55 PM
O kaha, Kinawat nga Kijud-Kijud...

KKK - Kinawat-kawat nga Kahidlaw

Quote from: hubag bohol on January 03, 2012, 01:34:26 PM
Nihangyo siya sa mga pulis nga di siya paiwagan sa flashlights kay mauwaw siya nga makita ang iyang kinatawo samtang gitabang siya ug gidala sa tambalanan dinhi sa dakbayan sa Sugbo.

Hmm, nigawas ang pagkamanggiuwawon bisan sa kahapdos sa mga samad?

napikas ang nawong?..unya nakatabi pa gyud dili paiwag kay mauwaw...
.nga wala na man siyay uwaw nipatong sa dili iyang asawa

unsa kahay mas ngilngig para sa ig-agaw, ang mapikas ang nawong o ang maputlan?