MikeLigalig.com

Ni Justin K. Vestil
Friday, December 30, 2011


USA ka 35-anyos nga security guard gidakop didto sa North Bus Terminal sa Mandaue City kagahapon sa udto human siya giingong nipakita sa iyang kinatawo ngadto sa usa ka babaye.

Matod sa kapulisan sa Subangdaku Police Station nga ang suspek way deperensya sa pangutok o bisan unsang kadaot nga mao untay rason sa iyang gibuhat.

Mga ala una kagahapon sa hapon, si Diego (di niya tinuod nga ngan), usa ka sikyu nga nagpuyo sa Barangay Soong, Lapu-Lapu City, nisakay sa usa ka jeepney uban sa biktimang si Anna (di tinuod niya nga ngan), 23, padung sa Cebu Doctors University gikan sa SM City Cebu.

Samtang nisud ang jeepney sa bus terminal, ang mga pasahero nanganaog, gawas kang Diego ug Anna.

Apan samtang naghinayhinay pagpamiya ang mga pasahero sa jeep, si Diego gikatahong niduol kang Anna.

Sa way igong rason, giablihan ang zipper sa iyang karsones ug gipakita ang babaye sa iyang kinatawo.

Si PO3 Antonio Descartin sa Subangdaku Police Station niingon nga si Diego niugay pa sa iyang kinatawo atubangan sa biktima.

Mao kini ang nakaaghat kang Anna sa pagtawag og pulis.

Ang suspek nadakpan ug ikiha, kana kon moreklamo ang biktima.

Nibutyag si Descartin nga si Diego normal ra ug maayong manubag bisan sa iyang gibuhat ngadto kang Anna.

Gani, dihang gisukitsukit kini sa mga pulis sa insidente, gikatahong maayo kining nanubag sa mga pangutana.

Si Diego kasamtangan karong gitanggong sa Subangdaku Police Station samtang wa pay pormal nga kasong gipasaka. --Gipatik sa mantalaang SuperBalita Cebu Desiembre 31, 2011.

Hmm, wa ba kahay plano nga molansad pagkamayor ning tawhana...

Murag nauso naman diay ning mga ing-ani nga magpakita. They call it "domino effect." Wala lang diay nagpakita, giugay pa gyud diay.

Quote from: hubag bohol on December 31, 2011, 07:36:11 AM
Ang suspek nadakpan ug ikiha, kana kon moreklamo ang biktima.

Ang pangutana karon, moreklamo ba kaha? 

Quote from: hubag bohol on December 31, 2011, 07:36:11 AM
Apan samtang naghinayhinay pagpamiya ang mga pasahero sa jeep, si Diego gikatahong niduol kang Anna.

Sa way igong rason, giablihan ang zipper sa iyang karsones ug gipakita ang babaye sa iyang kinatawo.

Si PO3 Antonio Descartin sa Subangdaku Police Station niingon nga si Diego niugay pa sa iyang kinatawo atubangan sa biktima.

Hmm, gusto tingaling makig-ilaila nis Diego apan tungod sa kamanggiuwawon, wa katingog mao nga action speaks louder than words na lang. Bwahaha!

  ang drayber wa ba kaha makabantay  ani 

Basin kini nga sekyu nakabasa sa balita mahitungod sa Zest Air, unya nanundog? Unsa kahay tinuod ani?

nanundog o siya gihapon to si Mayor nagpa Diego konohay para makalikay 

Quote from: statesville on January 10, 2012, 01:03:55 PM
nanundog o siya gihapon to si Mayor nagpa Diego konohay para makalikay 

Bwahaha! Niadto jud sa Cebu para lang magpatan-aw sa buhi...