MikeLigalig.com

Ni Brenda Batuto (Banat) Updated December 02, 2011 12:00 AM


CEBU, Philippines - Human sa walo ka tuig nga gihimong ‘sex-slave’ sa uyoan nakabaton og kaisog ang usa ka 15-anyos inabagan sa usa ka youth community pagsumbong sa kapolisan sa iyang gidangatan.

Ang maong insidente nahitabo diha sa usa sa mga barangay sa dakbayan sa Talisay ug ang uyoan sa biktima napasakaan og kaso sa milabay’ng semana diha sa piskaliya sa siyudad.

Sa imbestigasyon sa Women and Children’s Protection Desk sa Talisay City Police Station ang bata misumbong nga gisugdan siya og among-among sa suspek sa bata pa siya ug ang kataposan niadto lang Nobiyembre 19, 2011.

Ang bata walay kalibutan kung asa ang iyang mga ginikanan tungod kay gibilin lang siya diha sa iyang uyoan dihang puya pa lang siya. Matud pa nga gisugdan siya og buhat og dautan sa suspek dihang nag-edad na siya og 7-anyos.

Nasayran usab sa kapolisan sa WCPD nga tungod sa kahadlok giagwanta ra sa biktima ang gibuhat kaniya sa iyang uyoan hangtud nga miabot ang panahon nga mipaambit kini sa iyang kasinatian ngadto sa iyang mga kauban sa giapilan niyang youth community.

Ang nangulo sa maong grupo maoy mitabang sa biktima nga mo-report ngadto sa mga polis.

Gibutyag usab sa bata nga atulon sa suspetsado ang paglugos nga tingtrabaho sa kapuyo niini ug usahay dad-on siya ngadto sa balay sa higala sa iyang uyoan ug katulo sa usa ka semana siyang among-amongan.

Ang bata gitugyan sa kapolisan ngadto sa City Social Welfare. (EIM)  (BANATNEWS)

Quote from: hubag bohol on December 02, 2011, 10:43:41 AM
Ang bata walay kalibutan kung asa ang iyang mga ginikanan tungod kay gibilin lang siya diha sa iyang uyoan dihang puya pa lang siya. Matud pa nga gisugdan siya og buhat og dautan sa suspek dihang nag-edad na siya og 7-anyos.

Siya pa diay ang nagpadako. Pagkasalbahis... 

Grabeha pud ani. Makalagot. Death penalty should be brought back to our justice system.

di ni siya tawo.  hayop ni.  angay ni i-neuter, pareha sa iro ug iring.  kun mahimo pa lang unta nga iapil ni nako siya sa akong kumpanya para neutering ug spaying.  o putlan na lang siya laktod, pangtiwas nga tagam. 

Ang iyaha ipakitkit sa piranha...