MikeLigalig.com

Ni Darrel A. Carumba/EIM (Banat) Updated November 07, 2011 12:00 AM


CEBU, Philippines - Patay nang napalgan ang usa ka 73-anyos nga lolo human kini matagak sa pangpang daplin sa dagat sa sitio Badiang sa barangay Camobo-an sa lungsod sa Tabogon sa alas 6:00 sa buntag niadtong Sabado. Ang napalgang patay mao si Aquilino Catam-isan, 73, nagpuyo sa maong lugar ug gihulagway sa mga kabanay nga giango-ango na.

Matud ni PO3 Gregorio Licayan sa Tabogon Police Station dihang nahinabi sa Banat News ang mga kabanay niini mibutyag nga milakaw si Catam-isan nga wala mananghid sa iyang anak diin siya magpuyo nianang Biyernes pa sa gabii.

Wala magdugay ang mga kabanay nangita dayon kaniya sa pagtuo nga nagpatuyang lang kini og lakaw tungod sa iyang pangidaron apan wala gyud nila kini makit-i.

Apan nianang pagkasayo sa buntag gipahibawo nalang sila nga nakit-an nalang nga nagbuy-od ilawom sa pangpang nga kabato-an daplin sa dagat si Catam-isan sa sitio Badiang nga wala nay kinabuhi.

Sa gihimong pakisusi sa kapolisan nasuta nga nalungag ang agtang ug baba sa maong lolo nga gituohang tungod sa pagkaigo niini sa bato human kini matagak sa pangpang.

Ang mga kabanay nagtuo nga walay foul play ang kamatayon ni Catam-isan tungod usab kay gihulagway nila nga wala na kini sa maayong pangisip tungod sa katiguwangon. (BANAT NEWS) 

Quote from: hubag bohol on November 07, 2011, 10:28:01 AM
Ang mga kabanay nagtuo nga walay foul play ang kamatayon ni Catam-isan tungod usab kay gihulagway nila nga wala na kini sa maayong pangisip tungod sa katiguwangon. (BANAT NEWS) 

Hmm, wa ba kaha tawon magdahom nga makalupad siya...

Luoy pood intawn....RIP...

Ang Lolo na naglakaw nga way pananghid nagsugod nag ka amnesya, or gi-ango-ango na.
Mao ni sakit sa pagkatigulang nga walay tambal. Prisohon na lang sa balay.

Hmm, prisohon unya hatagan og laptop for Internet access?

Quote from: hubag bohol on November 11, 2011, 11:19:44 AM
Hmm, prisohon unya hatagan og laptop for Internet access?

o, maajo na....nya giyahan sa warden pag surf sa mga malaw-ay nga hulagway...syaro'g ango-angohon pa?..nga magsige naman lang ug kahinumdom kon unsay iyang makita....

Quote from: hubag bohol on November 11, 2011, 11:19:44 AM
Hmm, prisohon unya hatagan og laptop for Internet access?

di tingali siya madalig ango-ango kun magsigeg apil-apil sa tubag bohol.  kadto bitaw nga niundang ko kadiyot sa tb kay nanghipos mi unya nabuwag pa gyod ang akong laptop sa wires niini, nahadlok kog giango-ango na ba ko...  kalimot god ko sa ngan ni hubag ug bugsay; abi nakog boil ug paddle.  unya si chicogon, nasaypan nakog chiclet.

   

Quote from: islander on November 11, 2011, 09:15:39 PM
di tingali siya madalig ango-ango kun magsigeg apil-apil sa tubag bohol.  kadto bitaw nga niundang ko kadiyot sa tb kay nanghipos mi unya nabuwag pa gyod ang akong laptop sa wires niini, nahadlok kog giango-ango na ba ko...  kalimot god ko sa ngan ni hubag ug bugsay; abi nakog boil ug paddle.  unya si chicogon, nasaypan nakog chiclet.
   

He he, unsa man puy paghinumdom nimo ni BolBuhol...

Quote from: fdaray on November 11, 2011, 08:54:55 AM
Ang Lolo na naglakaw nga way pananghid nagsugod nag ka amnesya, or gi-ango-ango na.
Mao ni sakit sa pagkatigulang nga walay tambal. Prisohon na lang sa balay.

Hmm, maayo na lang diay nga sa akong pangedaron karon panagsa ra mosugmat ang ango-ango...

Quote from: bugsay on November 11, 2011, 08:24:22 PM
o, maajo na....nya giyahan sa warden pag surf sa mga malaw-ay nga hulagway...syaro'g ango-angohon pa?..nga magsige naman lang ug kahinumdom kon unsay iyang makita....

Oi, nasakpan uroy ni Bugsay ang hinungdan ngano nga bisan sa akong pangedaron karon malantip pa ang akong paminsar...

hinay-hinay lang ko sa tb....., mingawon man sad ta sa mga botboton nga bloggers.

Bwahaha! Wa uroy ron ang ubang botboton...

Quote from: hubag bohol on November 12, 2011, 12:31:47 PM
Bwahaha! Wa uroy ron ang ubang botboton...

bwahaha.......tiguwangon nga binuangon....

hahaha!  mga botboton nga giangoango diay ang best bloggers nga nia sa tb?  ah layk it!

Quote from: bugsay on November 14, 2011, 01:27:03 PM

bwahaha.......tiguwangon nga binuangon....

Bwahaha! Wa palibak!