MikeLigalig.com

Ni Lesley Caminade-Vestil (Banat) Updated September 12, 2011 12:00 AM


CEBU, Philippines -  Naputos sa samad dinunggaban ang usa ka lalaki pasado alas-3 sa kadlawon kagahapon sa sitio Lower Tanay barangay Pit-os ning dakbayan.

Ang biktima nailhan nga si Reynaldo Gavial alyas Waray, 51, molupyo sa maong lugar ang nakaangkon og samad dinunggaban sa nagkadaiyang parte sa iyang lawas.

Sa imbestigasyon sa kapolisan nasayran nga ang biktima napalgan nalang nga nagbuy-od ug naglunang sa kaugalingong dugo dapit sa ilang panimalay nga wala nay kinabuhi.

Ang kapuyo sa biktima nga si Leonisa Opendo, mibutyag nga ang biktima nakig-inom sa usa ka Jerry Erana sa ilang panimalay dihang siya milakaw.

Apan mao nalay iyang nasayran sa diha nga gipahibalo siya ni Erana pasado ala-una sa kaadlawon nga gidunggab na ang iyang kapuyo.

Ang kapolisan mipahigayon og halawom nga imbestigasyon kalabot sa maong insidente kun si kinsa ang mamumuno ug unsa usab ang hinungdan sa pagpanunggab. (FREEMAN)