MikeLigalig.com

Ni Lesley Caminade-Vestil/EIM (Banat) Updated August 28, 2011 12:00 AM


CEBU, Philippines - Usa ka babaye ang natagak sa dagat diha sa pantalan pasado alas 4 sa hapon sa miaging adlaw sa sitio Talo-ot barangay Poblacion lungsod sa Sibonga.

Ang biktima nailhan nga si Melisa Dela Cruz, 30, molupyo sa maong lugar kinsa sumala pa sa kapolisan nakit-an sa mga tawo nga naglakaw sa maong dapit dihang kalit nga natumba ug mikirig.Una pa kini maduoli sa mga tawo nahagbong na kini sa dagat. Ang mga tawo misuway pa pagsawom aron kini pangitaon apan wala na kini igkita pa didto sa ilawom.

Gidudahang midiretso kini og katidlom sa ilawom ug naglisod sila pagpangita sa ilawom tungod kay lubog kaayo ang dagat niadtong tungura.

Sa pakighinabi sa Banat News ni SPO1 Antonio Sanchez sa Sibonga Police mibutyag kini nga wala pa sila masayod sa hinungdan sa pagkatagak ni Dela Cruz.

Atol ning pagsulat sa balita, si Sanchez miingon nga wala pay pamilya ni Dela Cruz nga mipatim-aw sa ilang buhatan apan nagpadayon ang ilang search and rescue operation diha sa dagat. (BANATNEWS)

Hmm, gibunlot sa ukoy ug gidala sa ilang gingharian ilawom sa dagat?

seizure?

Hmm, di ba kaha patol?

Quote from: hubag bohol on August 28, 2011, 04:08:55 PM
Hmm, di ba kaha patol?

o nalipong  lang seguro, pero nganong  nagpadaplin man gyud?

Quote from: statesville on September 01, 2011, 10:35:09 AM
o nalipong  lang seguro, pero nganong  nagpadaplin man gyud?

dili man tingali lipong kay nikirig man

kun sibonga na man lang, di ni unsa ka dako parehag siyudad, mao nga nag-ilhanay gyod tingali ang kadaghanan.  nganong mora man intawon ug way nangita nga paryente.   

kay nikirig man kaha, tingali tuod ug patol kay tawo man siya.  kun manok pa, giatay unta.  sakto ba?

Quote from: insurectus on September 01, 2011, 08:38:49 PM
dili man tingali lipong kay nikirig man

Lahi bitaw ang kirig, morag possessed ba...