MikeLigalig.com

Ni Darrel Carumba (Banat) Updated August 26, 2011 12:00 AM 


CEBU, Philippines - Buak ang ulo sa usa ka construction worker nga giingong nagmanehong hubog sa iyang motorsiklo ug naangol ang angkas niini dihang mibangga sila sa puno-an sa kahoy daplin sa karsada sa barangay Nangka lungsod sa Balamban niadtong Miyerkules sa alas 5:10 sa hapon.

Patay nang nadangat sa tambalanan si Jose Rene Carbojosa Agbay, 38, taga sitio Camanaon sa barangay Abogon lungsod sa Asturias.

Samtang ang angkas niini nga naangol mao si Jerry Maranga Togbong, 19, taga sitio Libaong barangay San Isidro, Asturias.

Matud ni PO2 Hannibal Larrida sa Balamban Police Station dihang nahinabi sa Banat News ang duha gikan sa barangay San Isidro, Asturias paingon sa Balamban aron unta magkuha sa anak sa namatay nga nagtungha.

Gihulagway nga kusog ang pagpadagan niini ug pulos wala magsul-ob og helmet ug gihulagway sa mga saksi nga nag-ikis- ikis ang dinaganan sa motor ug mitipas padulong sa punoan sa pine tree.

Ang mga sakay giingong nangalagpot og pila ka metros ug natibugsok ang ulo pagtugpa sa karsada, si Togbong ray nakabarog og balik ug gitabang si Agbay apan giingong mibanaw na ang dugo sa ulo niini.

Gisuwayan pa unta og hatud sa Balamban District Hospital ang drayber apan gideklarar kini nga patay na. (BANATNEWS)

Ngilngiga ning mga balita ron kabahin sa motorsiklo. Kon dili mga tulisan ang sakay, mga hubog nga nangadedbol...

nahubog ug apil ang motor nitipas ang agi..

He he, nahubog pud tingali ang kahoy, nagmaoy mao nga namanhig...