MikeLigalig.com

Ni Rey B. Pasaporte/EIM (Banat) Updated August 12, 2011 12:00 AM Comments (0) View comments

CEBU, Philippines - Napalgang patay human naghigot og pisi sa iyang liog ang usa ka 16-anyos nga lalaking menor de edad nga giingong dunay deperensya sa pangisip kinsa nakasab-an sulod sa balay sa apohang babaye sa sitio Bantolinao sa barangay Villahermosa sa lungsod sa Tudela isla sa Camotes.

Segun sa report sa kapulisan ang apohan mitug-an sa kapulisan nga sa wala pa niya mapalgi nga naghikog ang iyang apo niadtong Miyerkules sa alas-5 pasado sa hapon, nagyawyaw siya nga nawala ang iyang manok.

Giingong miangkon ang apo nga siya maoy mibaligya sa naulahi ang manok ngadto sa iyang iyaang babaye. Nagtuo ang apohan nga tungod sa iyang pangasaba ang hinungdan nga naghikog kini sa iyang kuwarto.

Nakuha sa kapulisan ang nylon nga may gitas-on nga 88 inches nga maoy gigamit sa paghigot sa liog sa bata. Sa gihimong paghiling ni Dra. Lea Nagsubang medico legal officer sa maong lungsod gideklarar kining patay na. (BANAT NEWS)

Kasagaran sa ingon ani mugbog kigow...

kalooy sad tawon..

Bantayanan og buot ning ingon ani. Diha mi silingan kaniadto nga ulitawohay na, nangluod kay gikasab-an sa inahan, nilakaw. Wa dayon maalinggati pero maayo gani kay nisubay ra sa highway, naapsan sa inahan nga nagdyip lapas na sa upat ka lungsod ang nalabyan...