MikeLigalig.com

Ni Darrel Carumba (Banat) Updated August 12, 2011 12:00 AM


CEBU, Philippines - Patay’ng lawas sa usa ka 63-anyos nga lalaki ang napalgan sa barangay Gairan sa siyudad sa Bogo niadtong Miyerkules sa alas 5:00 sa hapon.

Ang napalgang patay mao si Cesar Lepiten, molupyo sa maong lugar ug nagsilbing caretaker sa pinuy-anan sa iyang igsuon.

Matud ni PO3 Allan Dosdos, imbestigador sa Bogo City Police Station dihang nahinabi sa Banat News, usa ka Rommel Arbansad maoy nakadiskubre sa biktima nga nadugta na.

Sa gihimong imbestigasyon si Lepiten gituohang natagak samtang nanguha og butong tungod kay ang pikas kamot niini duna pay higot nga pisi ug ang pikas tumoy nga may usa ka bulig nga botong atua sa sulod sa compound sa gibantayang balay.

Wala dayun makit-i si Lepiten tungod kay didto man kini matagak sa gawas sa kongkretong kural nga kasagbutan.

Siya nakit-an ni Arbansad dihang nagsusi kini sa palibot tungod sa kabaho sa palibot.

Dugang pamahayag sa mga paryente ug silingan niini nga katapusan kining nakit-an niadtong Lunes sa buntag nga nag-inom.(EIM)  (BANAT NEWS)

Lisod ning mag-inusarag puyo, labi na kon edaran na...

basin hubog nga nikatkat sa lubi ug nagtuo nga  makalupad siya   

Nagtuo diay nga si Superlolo siya...