MikeLigalig.com

Ni Rey B. Pasaporte/WC (Banat) Updated July 30, 2011 12:00 AM


CEBU, Philippines - Nalandig sa tambalanan ang usa ka Insek human dunggaba sa kapuyo sa iyang igsuong babaye didto sa ilang balay sa sitio Caimito sa barangay Lorega San Miguel siyudad sa Sugbo kagahapon sa kaadlawon.

Ang biktima mao si Joseph Sy, 46, nagpuyo sa maong lugar samtang ang suspetsado mao si Leopoldo Broa kapuyo sa igsoong babaye sa biktima.

Sa pasiunang imbestigasyon ni SPO4 Alex Dacua, PO3 Edario Manatad, PO2 Leroy Baguio ug PO1 Esmer Escultor sa Homicide Section sa Cebu City Police Office (CCPO) nasayran nga ang biktima mibadlong sa panaglalis sa iyang igsoon ug sa suspetsado.

Apan ang suspetsado nasuko ug mipunit sa usa ka barbecue stand ug gipuspos ngadto sa biktima.

Unya wala pa gyud matagbaw ang suspek miuli sa ilang balay ug pagbalik nagdala na og kutsilyo dayon gidunggab sa tiyan ug sa walang bukton ang biktima.

Ang biktima daling gidala sa iyang igsuong babaye ngadto sa Perpetual Soccour Hospital samtang ang suspek nadakpan sa miresponding kapolisan.

Ang suspek gikatahong ipailawom sa liquor test ug physical test sa kapolisan. - (BANAT NEWS)

Hmm, malagmit dugay nang nagkadiperensya ning duha...

kalooy.  wa baya intawon ni siyay labot sa chinese claim of the spratlys.  salamat nga wa siya maimpatso.

Quote from: islander on July 30, 2011, 12:10:49 PM
kalooy.  wa baya intawon ni siyay labot sa chinese claim of the spratlys.  salamat nga wa siya maimpatso.

Bwahaha! Ininsik man ning estoryaha. Nganong maimpatso man? Maayog nasobraag habhab og humba ang Insik diri...

Quote from: hubag bohol on July 30, 2011, 01:09:46 PM
Bwahaha! Ininsik man ning estoryaha. Nganong maimpatso man? Maayog nasobraag habhab og humba ang Insik diri...

ininsik man kaha ning estoryaha, nganong imo mang gilisodlisod, nahimo na hinoong koreyano.