MikeLigalig.com

Ni Brenda D. Batuto/EIM (Banat) Updated July 11, 2011 12:00 AM


CEBU, Philippines - Kritikal ang kahimtang sa usa ka babayeng dispatser human kini uloha sa pagpusil sa usa ka wala mailhing lalaki niadtong Sabado sa hapon diha sa dalan M.C. Briones , eskina Jakosalem, barangay Santo Niño, dakbayan sa Sugbo niadtong Sabado sa udto.

Ang biktima giila lang sa mga polis sa ngalan nga “Jessica” ug diha lang kini magpuyo sa daplin sa karsada tungod sa iyang panginabuhian.

Si PO2 Michael Codaste sa Homicide Section sa Cebu City Police Office (CCPO) sa pakighinabi niini sa Banat News kagahapon mibutyag nga kalit lang dunay usa ka buto ang nabati sa maong dapit ug nakita na lang sa mga tawo diha sa lugar ang biktima nga nahay-ad na ug naglunang sa kaugalingon niining dugo.

Ang biktima daling gidala ngadto sa Cebu City Medical Center (CCMC).

Sila si PO3 Victor Ruel Ayuman, PO3 Geoffrey Gutual, PO2 Cristobal Geronimo ug PO2 Julius Regis ang daling miresponde sa insidente.

Si Codaste midugang nga base usab sa nahipos nilang report nga ang biktima gidunggab na kini sa milabay’ng tuig sa wala gihapon mailhing tawo.

Ang kapolisan nagpahigayon og follow-up nga imbestigasyon sa maong insidente.  - BANAT NEWS

homeless unya  gipareglahan pa gyud, naunsa naman  ning  mga mangtas karon wala na may  ilhon 

Wa ba kaha puy atraso tong bayhana. Kay kon gapuyo sa kadalanan, kinahanglan medyo bagis aron mo-survive...