MikeLigalig.com

Ni Bong Soriano/EIM (Banat) Updated July 08, 2011 12:00


CEBU, Philippines - Wala makalusot sa mga sakop sa kapolisan ang duha ka gidudahang tulisan usa ka nila giingong lisensyadong piloto nga mitulis sa usa ka internet café sa barangay Maribago dakbayan sa Lapulapu sa milabay’ng adlaw.

Ang nasikop mao sila si Domer Lastimosa ug Patrick Paraguso nga drayber sa taksi ug pulos mga residente sa barangay Mohon sa dakbayan sa Talisay kinsa nakuhaan og usa ka granada. Si Lastimosa giingong lisensyadong piloto sumala pa sa report sa TV Patrol Central Visayas.

Ang duha gitumbok nga maoy mitulis nila ni Anna Sacutano ug Mae Sacutano nga tag-iya sa internet café sa sitio Datag, sa barangay Maribago dakbayan sa Lapulapu.

Nasayran sa Banat News nga mga alas 10:25 sa milabay’ng buntag samtang bag-o pang miabli ang maong internetan dihang misulod ang mga tulisan ug gikuha ang ilang mga computer units.

Sa dihang mipalag ang mga tag-iya gihulga hinuon nila sila nga di manghilabot kay nagdala sila og granada hinungdan nga wala nalang sila mopalag.

Sa dihang gisakay na sa usa ka taxi ang mga kinawat niini nakabantay ang mga estambay sa maong dapit nga dili maayo ang nahitabo sa sulod hinungdan nga mitawag sila sa kapolisan.

Ang kapolisan pinangulohan ni SPO2 Samuel Pugoy mibutang dayon og road block sa Marcelo Fernan Bridge ug Mandaue-Mactan Bridge ug nadakpan ang duha luwan sa maong taksi ug narekober ang mga computer units sa baggage compartment.  (BANAT NEWS)

He he, di ba kaha piloto sa lubi ning kolokoya ni…

Kusog baya sa cebu ang kawat sa mga computer og mga internetan jud ila tirahon
ingon ani pod og style magdala na og sakyanan

Wa man guy security ang kasagarang gagmay nga internetan, unya ang gabantay madugay magduka na...