MikeLigalig.com

Nila ni Bong Soriano ug Romeo Limpangog/EIM (Banat) Updated June 28, 2011 12:00 AM Comments (0)   


CEBU, Philippines -  Patay diha dayon ang usa ka mananagat human kini mabuthi sa dinamita, samtang duha usab lakip ang usa ka bata ang angol sa barangay Caubian, sa Isla sa Olango dakbayan sa Lapulapu sa milabay’ng gabii.

Ang namatay mao si Rodelio Quirubin, 62, residente sa maong dapit, samtang ang samaran mao si Richard Ocaba, 41, minyo ug usa ka 11- anyos nga batang lalaki nga mga residente usab sa maong dapit.

Sa pasiunang taho sa kapolisan sa Isla sa Olango ni PO1 Alfredo Macabodbod nasuta nga mga alas 8:45 sa milabay’ng gabii nanagat sila ni Quirubin, Ocaba ug ang 11-anyos nga bata.

Si Quirubin gikatahong mikuha og dinamita ug gidagkotan aron unta ilabay ngadto sa sarop sa isda nga ilang nasigpatan, apan dihang naduslitan na wala dayon makadesider si Quirubin kung asa kini ilabay.

Sunod nga nahitabo mao ang pag-ulbo niini diha sa mga kamot sa maong mananagat ug maayong pagkagusbat sa pipila ka bahin sa lawas niini samtang napiskan sa shrapnel ang mga kauban niini.

Si Ocaba dihang giimbestigar sa kapolisan mihimakak nga mangdinamitahay sila sanglit wala sila masayod nga nagdala og dinamita si Quirubin nianang gabhiuna.

Ang duha ka mga naangol wala na magpadala sa tambalanan gumikan sa kagamay sa ilang nahiagumang samad sa kalawasan.

Matud pa ni PO1 Macabodbod dugay nang panahon nga wala sila makabatyag nga dunay ilegal nga nanagat sa maong dapit gamit ang dinamita gumikan sa hugot nga pag-monitor sa mga awtoridad. (BANAT NEWS)

Quote from: hubag bohol on June 28, 2011, 01:34:32 PM
Si Quirubin gikatahong mikuha og dinamita ug gidagkotan aron unta ilabay ngadto sa sarop sa isda nga ilang nasigpatan, apan dihang naduslitan na wala dayon makadesider si Quirubin kung asa kini ilabay.

Gilamat sa ukoy...

ka duol ra anang Caubian...pero wala gyud gihapon masulbad ang dynamite fishing dihang dapita.....samot nag tuas layo....pagkatoytoy !!!

Ngano kaha bitaw nga daghan mang di masabtan dihang dapita...

Quote from: hubag bohol on June 28, 2011, 02:42:29 PM
Ngano kaha bitaw nga daghan mang di masabtan dihang dapita...

salig ra po'g ang mga oten nga ilang gi parade mauy gipanglabay.....hehehe

Quote from: bugsay on June 28, 2011, 02:53:10 PM
salig ra po'g ang mga oten nga ilang gi parade mauy gipanglabay.....hehehe

Bwahaha! Basin imbis usa ray makalas, silang tulo ang mahurot kay gihapak sa dautang hangin!

Quote from: hubag bohol on June 28, 2011, 02:58:49 PM
Bwahaha! Basin imbis usa ray makalas, silang tulo ang mahurot kay gihapak sa dautang hangin!

hehehe....bitaw, daghan na man kaayo ang way klaro niining kalibutana.....ngitngit pas alkitran..

Quote from: bugsay on June 28, 2011, 03:13:20 PM
hehehe....bitaw, daghan na man kaayo ang way klaro niining kalibutana.....ngitngit pas alkitran..

Hmm, mga tilimad-on na man kaha ni nga naay umaabot nga makalilisang katalagman...

Quote from: hubag bohol on June 28, 2011, 03:24:42 PM
Hmm, mga tilimad-on na man kaha ni nga naay umaabot nga makalilisang katalagman...

sama sa taytol?

Unsang taytola? Ang baki diri?