MikeLigalig.com

GILABNIHAN sa wa pa mailhing suspetsado ang usa ka ginang samtang lulan kini sa dyip nga Patag liner paghidangat sa barangay Carmen, siyudad sa Cagayan de Oro.

Nagpatabang sa Carmen police station 4 (PS4) ang biktimang si Jorgen Elaine Dumpor, 41, minyo sa Tibasak, barangay Macasandig, ning siyudad human sa insidente ala 1:00 sa miaging hapon.

Subay sa imbestigasyon gisaysay sa biktima nga kalit lang gilabnot sa suspek ang iyang bolawang kolintas nga nagalor og kapin 5 mil pesos.
Human malampuson sa dautang tinguha ang suspek paspas misibat sa wala matinong direksiyon.
source: Brigada News

Syarog wa pa jud motagam ning uban sa daghan nang estorya, mosul-ob gihapon og mahalon nga alahas kon mosakay og public transpo...

mahalon ug alahas unya nag jeep lang? mao na hala paganyar pa dinha..

Kon mag-jeep, di na lang jud magsul-ob og alahas, mahalon o peke. Kon peke pud, diha baya toy nahitabo nga pagkaklaro sa snatser nga fancy diay, gigukod ang jeep unya ang peke nga kwentas gihungit sa tag-iya...

gihungit?..hinaut wa niya gisawsaw sa kanal usa giuli..

nauso na pod diay ni sa cdo?  abi nakog sa cebu ra ni.  ni-migrate na tingali ang mga karaho sa cdo ay. 

naa bitaw koy amiga sa una nasamad tawon ang liog tungod sa paglabni sa iyang kuwentas, mora hinoon siyag gikang gahikog nga nipalkpak.  lain sad nga amiga, gihangbayan lang duol sa landbank sa sto. rosario church, kuwentas ang tuyo sa laki.  bisan unsaon niyag hilak ug pangayog panabang, mosingka lang ang laki sa uban nga wa silay labot kay away ra kuno tong ila ug magtiayon. 

Quote from: statesville on June 03, 2011, 01:28:15 AM
gihungit?..hinaut wa niya gisawsaw sa kanal usa giuli..

Gisipitan lang sa gipaningot ug anghit nga ilok...

Quote from: islander on June 03, 2011, 01:37:33 AM
lain sad nga amiga, gihangbayan lang duol sa landbank sa sto. rosario church, kuwentas ang tuyo sa laki.  bisan unsaon niyag hilak ug pangayog panabang, mosingka lang ang laki sa uban nga wa silay labot kay away ra kuno tong ila ug magtiayon. 

Hmm, kuyaw pud ni nga pamaagi, da...