MikeLigalig.com

PATAY ang usa ka drayber human lubaa sa suspetsadong pasahero samtang nagmaniho kini sa iyang motorela sa Vamenta, barangay Carmen, siyudad sa Cagayan de Oro.

Sa pakighinabi sa Brigada News ngadto ni Inspector Jude Evangelista, deputy commander sa Carmen police station 4 (PS4) nagbutyag nga giluba sa suspek ang biktimang si Diorique Amacna, 33, minyo sa Zone 1, Buarra, barangay Bayabas, ning siyudad.

Matod sa report nasayran nga una nang nagpakunong pasahero ang suspek ug nagpahatod apan paghidangat sa usa ka gasolinahan sa maong dapit kalit lang giluba ang biktima.

Gideklarang dead on arrival sa mga mananambal sa J.R. Borja City Hospital ang biktima human makahiagom og usa ka samad dinunggaban sa walang dughan.
Nasuta sa inisyal nga imbestigasyon ni Evangelista nga posilbing adunay karaang panagbingikil ang suspek ug biktima.
‘Pagkahuman og tunol sa plete kalit lang gidunggab ang biktima’ dugang asoy ni Evangelista sa Brigada News.

Niplete pa jud diay...

Kayano na baya nila moihaw ug tawo, morag hayop ang balatian
violence in the land, just like the days of Noah prior to the great flood