MikeLigalig.com

Ni Lesley Caminade-Vestil (Banat) Updated May 30, 2011 12:00 AM


CEBU, Philippines - Nautingkay ang molupyo sa barangay Upper Casili syudad sa Mandaue human adunay upat ka batang lalaki ang giingong miamong-among sa 3-anyos nga batang babaye pasado alas-4 sa miaging hapon.

Sa pakighinabi sa Banat News sa kapitan sa maong barangay nga si Paterno Cabatingan mibutyag kini nga usa sa iyang mga staff ang mipahibalo kaniya sa maong panghitabo.

Matud pa ni Cabatingan nga base sa pasiunang impormasyon nga midangat sa iyang buhatan usa ka residente (pangalan gipugngan sa Banat News) ang nakakita sa mga bata nga diha sa kakahuyan sa maong lugar ug maoy nakakita sa gibuhat nga malaw-ay sa mga bata uban sa 3-anyos nga batang babaye.

Midugang si Cabatingan nga base sa gibutyag kaniya, ang usa sa mga batang lalaki mikabayo na sa 3-anyos samtang ang laing usa ka batang lalaki gikatahong mipaum-om sa iyang kinatawo ug ang laing duha ka bata nagtan-aw.

Butyag usab ni Cabatingan nga iya pang gisubay ang maong report nga gihulagway niyang dakong eskandalo sa iyang barangay.

“Grabe bitaw kaayo ning panghitaboa rare kaayo kay pulos baya mga bata pa kaayo,” pasabot pa ni Cabatingan apan mohimo pa siya og dugang pakisusi sa nahitabo.

Karung adlawa gikatakdang ipatawag ni Cabatingan ang mga ginikanan sa upat ka batang lalaki ug ang 3-anyos nga biktima uban sa nakakita niini.

Midugang usab si Cabatingan nga iya pa usab nga estoryahon ang Department of Social Welfare and Development (DSWD) sa ilang lugar kini aron usab masayod sila kun unsay buhaton sa upat ka bata. (BANAT NEWS)

Pila kahay edad sa 4 ka bata, katalirongan ra ba kaha sa gihilabtan...

Quote from: hubag bohol on May 30, 2011, 12:15:12 PM
Midugang si Cabatingan nga base sa gibutyag kaniya, ang usa sa mga batang lalaki mikabayo na sa 3-anyos samtang ang laing usa ka batang lalaki gikatahong mipaum-om sa iyang kinatawo ug ang laing duha ka bata nagtan-aw.

Tsk, tsk, tsk, nakakitag di mao ning mga bataa, unya gisuwayan...

Angay ning mga bataa ipasilya elektrika. Bata pa gani nang-rape na. Unsa na kaha ug modagko?

ang ginikanan nga careless ang angay panitan. 

Mao na ni ang linugdanan sa  pornographic scenes  nga nagkatag ug maayo
sa sinehan, sa mga magazines ug sa television nga naa sa matag hawanan sa panimalay
ug  usahay madungog sa mga baba sa  mga edaran, bisan ang mga bata nga
wala pa buot sundogon lang nagtuo nga maoy uso sa panahon.   

Kini bitaw nga eksena, gitabangan unya naay nagtan-aw, klaro nga nakat-onan gikan sa porno flicks...

Hai man ang  nagbantay aning bataa?