MikeLigalig.com

Wednesday, May 18, 2011


USA ka bana kinsa naghuramentado sa dihang nasakpan ang asawa nga nagdula og kalayo uban sa laing binuhat gipusil patay sa mirespondeng otoridad niadtong Lunes sa hapon didto sa probinsiya sa Cotabato.

Sa nakuhang taho gikan sa Matalam Police Station, nasayran nga sayo matud pang miuli sa balay ang bana nga si Gler Opinya, 29, sakop sa Citizen Armed Geographical Unit gikan sa iyang trabaho alas 4 sa hapon.

Apan dako na lamang ang kakurat sa bana dihang nakit-an ang asawa nga nakighilawas sa laing lalaki. Tungod sa tumang kasuko, gipusil ni Opinya ang kakuladidang sa iyang asawa gamit ang .38 rebolber.

Apan ang lalaki nakaambak sa bintana hinungdan nga ang asawa ang naigo sa bala sa armas.

Dali nga miresponde ang mga sakop sa Civilian Volunteers Organization (CV0) uban ang mga barangay opisyal sa dihang nadunggan ang buto sa armas.

Naabtan si Opinya sa mga otoridad nga naghuramentado sa maong dapit. Apan sa dihang gisulayan og badlong, wala kini mipatuo hinungdan nga usa ka opisyal sa barangay nga wa gibutyag ang pangan nagpusil sa bana gamit ang M16 armalite rifle.

Nakaangkon og samad sa dughan ug tiyan ang biktima, hinungdan sa iyang kamatayon.

Kritikal sab ang kahimtang sa asawa nga gidala sa Cotabato Provincial Hospital sa Barangay Amas, siyudad sa Kidapawan.

Gitahasan na ni Cotabato Police Provincial Director Cornelio Salinas ang kapulisan sa Matalam hugtan ang imbestigasyon sa maong hitabo sa diha nga nagpatabang ang pamilya ni Opinya sa Bombo Radyo nga madala ang patay nga lawas sa biktima didto sa Duenas, Iloilo. (Edgardo Fuerzas)


Gipatik sa mantalaang SuperBalita Davao Mayo 19, 2011.

Quote from: hubag bohol on May 19, 2011, 05:45:26 PM
USA ka bana kinsa naghuramentado sa dihang nasakpan ang asawa nga nagdula og kalayo uban sa laing binuhat gipusil patay sa mirespondeng otoridad niadtong Lunes sa hapon didto sa probinsiya sa Cotabato.

Tsk, tsk, tsk. Magkondenar man tingali tawon ning tawhana...

Quote from: hubag bohol on May 19, 2011, 05:45:26 PM
Apan dako na lamang ang kakurat sa bana dihang nakit-an ang asawa nga nakighilawas sa laing lalaki. Tungod sa tumang kasuko, gipusil ni Opinya ang kakuladidang sa iyang asawa gamit ang .38 rebolber.

Apan ang lalaki nakaambak sa bintana hinungdan nga ang asawa ang naigo sa bala sa armas.

Abtika pud sa kanahan, gikan pang gakabayo nakaambak man dayon...