MikeLigalig.com

Ni Rey B. Pasaporte/EIM (Banat) Updated April 21, 2011 12:00 AM


CEBU, Philippines - Si PNP Chief Raul Bacalso mipadala og mga ‘tips’ ngadto sa tanang rehiyonal nga buhatan lukop nasud alang sa katawhan aron di mabiktima atol sa kasaulogan sa Semana Santa.

Sirad-an ang tanang pultahan ug bintana, segurohon nga walay kaagian ang si bisan kinsa nga tawo nga nagplanong mosulod sa balay ug mangawat; di magbutang og timailhang way tawo sa balay, kung duol ra ang adtoan mahimong patingugon ang radio sa sulod o ba kaha magbilin gyud og tawo nga mobantay.

Samtang ang magdala og sakyanan ipasusing daan ang kondisyon niini, makina, baterya, oil, brake, ligid, suga, signal lights ug uban pa. Siguruhong kompleto ang papeles sa sakyanan; likayan ang pagmanehong usa ra ka kamot ang igunit sa manobela, i-lock ang pultahan, likayan ang pag-inom kung mo-drive, likayan ang pag-text samtang nagmaneho, ug magdala og flashlights o emergency lights.

Kadtong mag-commute, gidili ang pagsuot og mga mahalong alahas o kaha magdala og dakong kantidad, ampingan ang dala nga cellphone o kaha ubang butang nga limitadong dad-on, likayan ang pagdala og daghang gamit aron dili maglisod sa pagbiyahe ug sayon bantayan ang kabtangan, mosayo sa terminal, pantalan o tugpahanan; magbantay sa mga k******n, sama sa salisi gang, Laglag Barya Gang ug uban pa, kinahanglan pangitaon ang Police Assistance Booths sa airports, pantalan, terminal ug kun nabiktima kamo i-report dayon kini.

Samtang palikayon ang mga bata diha sa simbahan pagduol sa wala mailhing mga tawo, pasul-ubon ang mga bata og IDs, kun mag-swimming kinahanglang siguruhong makamaong molangoy, sutaon daan asa ang first aid station ug PNP Assistance Booth alang sa emergency o police assistance.  - BANAT NEWS

Quote from: hubag bohol on April 21, 2011, 01:59:13 PM
Si PNP Chief Raul Bacalso mipadala og mga ‘tips’ ngadto sa tanang rehiyonal nga buhatan lukop nasud alang sa katawhan aron di mabiktima atol sa kasaulogan sa Semana Santa.

Kon liwas na ang Semana Santa, pwede na magdanghag...

Nawaa jud ko sa among simbahan sa una sa simana santa tungod sa kadaghan ug tawo. Gamay pa kaayo ko adto ug perti gyud to nakong hadloka. Ayo kay nakit an ko sa among silingan ug gikuha ko nila then naghunahuna ko nga unsaon naman ni nako pag uli nga daghan raba kono ug wakwak kay good friday man to. Namasin ko ug lakaw sa simbahan samtang nagsegi pa ang mesa or celebrasyon sa good friday ug ayo kay nakit an nako akong mother.