MikeLigalig.com

Dili sama sa Buwan nga naglurat ug natuk-an,
Ang suga sa dyip nagpid-ok-pid-ok.
Tingali naglibog nganong naamang
Ang bosina nga gisap-ongan
Sa nagkadena nga mga sugilanon.
O dili makatuo nga ang kariton
Gikuwarantena sa mga lamok
Nga ang hinunghongay makapahinanok
Sa Adlaw. Apan walay usa ang nagmaskara
Og kaisog nga manguhit
Sa duha ka binuhat nga gigakos og hilom
Ang pahiyom sa kagabhion.

Usa kini ka painting nga abstract nga gi hubad sa pulong.

Murag ako na kini nga nakit-an nga painting, usa ka urban scene pero wala ko mahinumdom kung dis-a o kanus-a.

Ang kagaw niining maong balak akong nakuha usa niana ka gabii nga nagsakay ko og jeep didto sa kaulohan. Nakita ko ang duha ka tawo nga naggakos nga natulog sa sulod sa kariton. Mga basurero sila, babaye ug lalaki.

Quote from: bisayantek on October 09, 2007, 10:06:18 AM
Dili sama sa Buwan nga naglurat ug natuk-an,
Ang suga sa dyip nagpid-ok-pid-ok.
Tingali naglibog nganong naamang
Ang bosina nga gisap-ongan
Sa nagkadena nga mga sugilanon.
O dili makatuo nga ang kariton
Gikuwarantena sa mga lamok
Nga ang hinunghongay makapahinanok
Sa Adlaw. Apan walay usa ang nagmaskara
Og kaisog nga manguhit
Sa duha ka binuhat nga gigakos og hilom
Ang pahiyom sa kagabhion.

Dili ba kaha intawon makantalitahon ang pahiyom sa kagabhion...

 Tantalita ug mayam-iron nga kagabhion
  Hinabolan sa takdol nga kaugmaon
Nagtikongkong niiniyng kariton sa kagahapon 

Quote from: Scarb on October 02, 2010, 07:53:19 PM
Tantalita ug mayam-iron nga kagabhion
  Hinabolan sa takdol nga kaugmaon
Nagtikongkong niiniyng kariton sa kagahapon 

Gikadenahan ang nawong sa kangitngit
Sa nagmaskarang hunghong nga pait-pait
Sa giugom nga itlog sa pakigdait.

Quote from: hubag bohol on October 03, 2010, 05:30:31 PM
Gikadenahan ang nawong sa kangitngit
Sa nagmaskarang hunghong nga pait-pait
Sa giugom nga itlog sa pakigdait.

nagping-it ang nawong sa gikadenahan
sa nakigdait sa itlog nga sigeg panghayhay
mora kunog tinumban mao nga way hinungdan
di malimod nga bugok diay matod pa ni inday
nga nagmahay sa iyang kapalaran.

Quote from: islander on October 03, 2010, 06:34:08 PM
nagping-it ang nawong sa gikadenahan
sa nakigdait sa itlog nga sigeg panghayhay
mora kunog tinumban mao nga way hinungdan
di malimod nga bugok diay matod pa ni inday
nga nagmahay sa iyang kapalaran.

Tungod sa iyang pagkumot sa itlog, dako ang pagmahay ni Inday
Kay ang iyang palad karon nanimaho sa binugok nga napusgay.

 , nah binugok diay...

  Dili na lang unta maghimo ug bata kay looy kaayo ang mga anak
  nga walay ikabuhi kining mga basurero nga naa nagtabil lang ug karton sulod sa kariton.

Wa ba kaha magtuo ni sila nga makasala sila kon mag family planning...