MikeLigalig.com

tugkan unta ug gamot kining atong mga kamot
sinulat ni mike ligalig

tugkan unta ug gamot
kining atong mga kamot
kansang mga tudlo
gigapos sa tago -
aron dili na maibot
ang kainit nga milatay
sa atong mga panit
samtang naglutaw
kita sa hangin

mitutok ka kanako
ug misud-ong ka
sa atong mga kamot
ug gikan sa imong mga mata
nangahulog ang liso sa kahilom
ug miturok ang imong pahiyom

Ka hadlok sad anang tugkan ug gamot oi...hahaha maayo na para sa mga TB addicts.

Another nice balak, Mike. I like the line "nangahulog ang liso sa kahilom"

the poet at dawn time in thailand playing with words without knowing what he is writing.

fresh from the paper diay ni?

Another special one, Admin.

I love the way you play with bisayan words.

Mura ka'g Pinoy nga Neruda.