MikeLigalig.com

Buot Kong Moipon Sa Dagat
sinulat ni m. ligalig

Buot kong moipon sa dagat
aron imo akong languyon
hangtud sa tumoy sa baybayon,
aron imo akong salumon
ug pangitaon ang atong ugma,
aron imo akong tugkaron
ug mahikap ang atong damgo.

Apan gisud-ong ko lang ikaw
nga gidula-dulaan sa mga balod.

Buot usab ako mahimong balod
aron itukmod ko ikaw
ngadto sa lapyahan nga mamingaw,
aron masubay ko ang tanang eskina
sa imong lawas ug panagway,
aron maguyod ko ikaw ngadto
sa kalawran sa atong kasingkasing.

Apan nagpasilong lang ako ning bato,
pang-pang daplin sa dagat diin
ikaw akong gihumdan sa pagsud-ong.

Nabasa ako sa kainit sa adlaw
apan wala ako mosibog
aron sundon ang landong sa bato -

palabihon ko nga mauga
ang tinulo sa nagbukal kong dughan
kay nasayod ako nga dili na madugay
ang paghubas sa dagat.

Nice one, Mr Admin!

Quote from: Bohol on September 15, 2007, 09:46:02 AM
aron masubay ko ang tanang eskina
sa imong lawas ug panagway,

Romantic kaayo ang maong balak, kung hubaron sa ingles ang quote sa taas ang meaning: "Fondle & Caress your body".

Mike, maka hubo man ta aning balaka oi...

Quote from: Ginger on September 18, 2007, 04:36:46 AM
Mike, maka hubo man ta aning balaka oi...

Mas makahubo ka Zel inig human sa kasal ninyo ni Sigbin. 

Na....magtuwad-tuwad gjod si Sigbin ini. Unya sekondariohan pas Balak ni Mike na.

Quote from: Bambi on September 18, 2007, 07:05:19 AM
Na....magtuwad-tuwad gjod si Sigbin ini. Unya sekondariohan pas Balak ni Mike na.

Di pud ko kabalak kung naay nagtuwad.

Quote from: Bambi on September 18, 2007, 07:05:19 AM
Na....magtuwad-tuwad gjod si Sigbin ini. Unya sekondariohan pas Balak ni Mike na.

Quote from: Bohol on September 18, 2007, 07:36:43 AM
Di pud ko kabalak kung naay nagtuwad.

hahahaha bugoy jud ni's Bambi oi...

Quote from: Bohol on September 18, 2007, 07:36:43 AM
Di pud ko kabalak kung naay nagtuwad.

I know.......you can do a proper style to this, am sure that would be a funny lyrics.  Wow! biboha gyod sa Kasal unya.