MikeLigalig.com

Sun Star Superbalita

DESIDIDO ang usa ka inahan nga pasakaan og kaso ang anak human siya giposposan og botelya sa ilimnong makahubog niadtong Lunes mga alas 9:30 sa gabii sa Lawesbra, Lapasan ning siyudad sa Cagayan de Oro.

Nilandig sa Northern Mindanao Medical Center (NMMC) si Julieta (bansagon gipugngan human nihangyo ning mantalaan) kinsa nakaangkon ug dakong samad sa likod ug sa ulo nga bahin human giposposan sa anak nga si Catherine, 19.

Sa pakighinabi sa Sun.Star Superbalita ngadto kang Julieta siya miingon nga gikasab-an niya ang iyang anak tungod kay sugod pa niadtong petsa uno ning bulan nilakaw na ug petsa 2 sa gabii miuli nga hubog.

Tungod niini kalit lang nasuko si Catherine ug nikuha og botelya dayon deretso nga giposposan ang iyang inahan tungod sa pagpangasaba. Naigo ang likod sa inahan ug ang ulo nga bahin.

"Maayo man among relasyon sa akong anak wala gani ko nagdahom nga iya kong bunalan og botelya."

adik adik na ning iyang anak. walay tarong ug hunahuna nga anak mamunal lang ug kalit nya botelya pa sa inahan nga nagtambag lang niya.

babaeng buhat pa jud!  pastilan!

Belib ko aning Sun Star Superbalita, daghang balita nga pinusposay, pinahitay, dinunggabay.

Uy! hala palayasa na ug mas maayo ipapriso
  magbuhi ug bitin nga dako walay igabawos

Karong panahona ang anak nay mopospos sa inahan tungod kon ang inahan mamospos sa anak, ipabantay bata 163 ang inahan. Kon mapamatud-an, mapreso ang inahan. Dili man mapreso ang bata kay minor age pa man. Mao ni balaod karon. Daghang mga cases karon, ang 16, 17 o 15 years old, makadunggab, nakapangawat, sexual act o nakaptay dili mapreso kay minor pa. Tua gi costudy sa MSWD.

Misamot ug ka daotan ang atong mga batan-on karon.

si Sen. Pangilinan man seguro ang nagduso anang Juvenile Law sa Pinas....
Di mapreso ang minor de edad nga makasa....maong daghan karon ang pusher nga batan-aon nga gigamit ug tiggamit...
Angayan na usbon.

Naa po'y MSWD di pod maka rehab kay way budget...