MikeLigalig.com

Napulo Ka Segundong Tawag
(ni Glacier_71)

11:00 p.m.
sama ra diay kini'g kilat
mitadlas sa kalangitan
nganha sa imong lawodnong katulogon
wala kapa gani tingali kapamahid sa
imong laway nga mikamang
daw luha sa kabuntagon
kilid sa nagpula-pula mong aping
ug gibungat ko gilayon
ang hutay sa mga pulong
uban sa hinagoros sa imong gininhawa
aron mabati ko usab dayon
ang lanog sa imong matam-is
nga gugma tinabonan
sa imong nagpiyong mga mata.

ug natapos ang tawag
napulo ka segundo

gihatud ko dayon
ang among bayle sa kahanginan
ngadto's salag sa kahilum
aron kining kalag ko usab
makapahulay nga malipayon
11:10 p.m.

unsa ni? Express lab?

hahahha manay, mao nay gitawag og "wake up call"

"mitadlas sa kalangitan
nganha sa imong lawodnong katulogon"

Mga pulong nga kinaadmanun Way to go Glace!

my favorite line: "hinagoros sa imong gininhawa" What a seductive poem! Kudos to Glacier...

Quote from: Michael Ligalig on March 30, 2009, 06:20:51 PM
my favorite line: "hinagoros sa imong gininhawa" What a seductive poem! Kudos to Glacier...

seductive...

Quote from: glacier_71 on March 30, 2009, 02:40:39 AM

wala kapa gani tingali kapamahid sa
imong laway nga mikamang
daw luha sa kabuntagon

Kini akong favorite lines...