MikeLigalig.com

Ug Imong Gipatay Ang Akong Mga Balak
sinulat ni Mike Ligalig
circa March 22, 2009 (Bangkok, Thailand)

ug imong gigisi ang akong mga balak
gikunis-kunis sama sa imong pagkunis-kunis
sa napikas ug samaran kong kasingkasing
ug imong gilabay ang nagutad-gutad nga papel
sa daplin sa dalan. kinsa kahay mopunit
sa nagbakho nga mga papel?
ang mga papel nagpatulo sa ilang mga luha
kay dili naman nila masud-ong ang akong mga mata
ang mga mata nga saksi sa pagkahimugso sa pulong
dili na nila mahikap ang akong handurawan
ang handurawan nga sabakan sa binhi sa mga damgo
sanglit imo namang gikutlo ang ilang kinabuhi
mahimo nga tunob-tunoban lang sa dalan
ang mga papel, yatak-yatakan sa kainit
ug katugnaw, tamparoson sa kahayag ug kangitngit
mahimo nga mabilanggo sila sa mangiob nga kalibutan
mahimo nga bas-on ug galingon sila sa makina
ug tiunay nang mapapas ang mga letra
nga naghulagway sa kakahoyan sa akong kalag

madugta ug mahanaw man ang mga papel
apan dili ang mga handumanan nga nakulit
sa mga gutlo sa kamingaw ug pag-inusara
masunog ug maabo man ang mga papel
apan dili ang mga tinagong pulong
nga gihung-hong sa akong mga tudlo

bisan pa ug apilon mo ako pagsunog
bisan pa ug apilon mo ako pagkunis-kunis
bisan pa ug apilon mo ako pagpikas-pikas
bisan pa ug apilon mo ako paglabay
bisan pa ug apilon mo ako pagsalikway

dili mouban ang akong mga balak sa akong kamatayon

i-publish na lagi, mike, aron di na mamatay sa papel ang imong mga balak.

nangita pa ug ensaktong pundo aron malibro ang tanan kong mga balak, Zel...

Oh my God Mike! Honestly, nakahilak ko. Naay lang ko nahinunduman.

bug-at sa pamati, mike, apan lukdohon na lang aron luwason kin'g balak...makita gyud nato sa likuran aning balaka ang nagtapok nga mga gibati.

powerful kaayo ang balak!

pag ka tragic nga balak. mora man tos kanta ni michael v nga sinaktan mo ang puso ko....

nicely done, mike!

i like the balak. heartwarming.

Quote from: Michael Ligalig on March 22, 2009, 04:28:15 AM
Ug Imong Gipatay Ang Akong Mga Balak
sinulat ni Mike Ligalig
circa March 22, 2009 (Bangkok, Thailand)

ug imong gigisi ang akong mga balak
gikunis-kunis sama sa imong pagkunis-kunis
sa napikas ug samaran kong kasingkasing
ug imong gilabay ang nagutad-gutad nga papel
sa daplin sa dalan. kinsa kahay mopunit
sa nagbakho nga mga papel?
ang mga papel nagpatulo sa ilang mga luha
kay dili naman nila masud-ong ang akong mga mata
ang mga mata nga saksi sa pagkahimugso sa pulong
dili na nila mahikap ang akong handurawan
ang handurawan nga sabakan sa binhi sa mga damgo
sanglit imo namang gikutlo ang ilang kinabuhi
mahimo nga tunob-tunoban lang sa dalan
ang mga papel, yatak-yatakan sa kainit
ug katugnaw, tamparoson sa kahayag ug kangitngit
mahimo nga mabilanggo sila sa mangiob nga kalibutan
mahimo nga bas-on ug galingon sila sa makina
ug tiunay nang mapapas ang mga letra
nga naghulagway sa kakahoyan sa akong kalag

madugta ug mahanaw man ang mga papel
apan dili ang mga handumanan nga nakulit
sa mga gutlo sa kamingaw ug pag-inusara
masunog ug maabo man ang mga papel
apan dili ang mga tinagong pulong
nga gihung-hong sa akong mga tudlo

bisan pa ug apilon mo ako pagsunog
bisan pa ug apilon mo ako pagkunis-kunis
bisan pa ug apilon mo ako pagpikas-pikas
bisan pa ug apilon mo ako paglabay
bisan pa ug apilon mo ako pagsalikway

dili mouban ang akong mga balak sa akong kamatayon

Some of these words are so deep that I don't even know the meaning.

Beautiful poem, Mike.

Simply beautiful and deep.

Mike, I would love to hear you recite this poem through voice, bro. To hear it how it was meant to have been said.

Hi Bran, I'll see what I can do with voice recording for this poem.

Agoy Mike. Amo jud na atangan

Quote from: Michael Ligalig on March 23, 2009, 07:37:31 AM
Hi Bran, I'll see what I can do with voice recording for this poem.

Mike, please post it in youtube, bro.

This is exciting! The poet at work!