MikeLigalig.com

sinulat ni Dr. Linda Alburo


Ah, kadto bang nagluspad nga hinigugma
sa linuiban nga si Crisostomo Ibarra?
Matud pa ni Mama kadto siya sulondon
magsigeg kablit sa arpa, manggiulawon
laming motimplag hamonada, hinayon
moamin kada humag nobena, matinahuron
ug unsa pa dihang uban nga mgaâ€"un-on
nga karon malisod na natong ispilingon.
Wala na tingali nahibilin rong arpa
ug labihan kamaha; maglutog hamonada
ug unsa to, kalaay ba anang magsisgeg nobena?
Si kinsa lay gustong santosong kay atong paantuson.
Ang kinahanglan sa babaye karon
maalam molalik sa awit nga iyang tukaron,
maabtik mangitag idalit nga sud-anon,
molihok bisag wala pay bendisyon.
Kon naa pa ron si Mama unsa kahay iayng ikasulti?
Nga labaw pang na-anghing kaniya si Maria Clara, mirisi.


source: panitikan.com.ph

Quote from: Mike Ortega Ligalig on May 01, 2007, 01:22:24 AM
Ang kinahanglan sa babaye karon
maalam molalik sa awit nga iyang tukaron,
maabtik mangitag idalit nga sud-anon,
molihok bisag wala pay bendisyon.

Hala lihok, babaye, aron makadawat ka sa bendisyon ni Bay Bugsay...

Quote from: hubag bohol on May 28, 2015, 01:42:38 PM
Hala lihok, babaye, aron makadawat ka sa bendisyon ni Bay Bugsay...

atong tamlaan..hehehe

Tamla? Unsang klaseha sa tinta?