MikeLigalig.com

Kung Buot Kang Mohilak Karon
sinulat ni Mike Ligalig

Kung buot kang mohilak karon, nan hilak karon
Ayaw iluom ang imong gibati

Kung buot kang mohilak karon, nan hilak karon
Ayaw sampongi ang bul-og sa imong mga luha

Kung buot kang mohilak karon, nan hilak karon
Ayaw iutong ang aso sa imong dughan

Kung buot kang mohilak karon, nan hilak karon
Ayaw pugong-pugongi ang imong pagminatay

Kung buot kang mohilak karon, nan hilak karon
Ayaw ikaulaw ang lanog sa imong syagit

Kung buot kang mohilak karon, nan hilak karon
Ayaw ikahinugon ang pagpuga sa tanan mong luha

Kung buot kang mohilak karon, nan hilak karon
Ayaw paabota nga adunay mopahid sa imong mga luha

Kung buot kang mohilak karon, nan hilak karon
Ayaw paabotang naay motunol nimo ug usa ka basong tubig

Kung buot kang mohilak karon, nan hilak karon
Ayaw pagdahum adunay mopahulam nimo ug panyo

Kung buot kang mohilak karon, nan hilak karon
Ayaw paghandum nga naay mohapohap sa imong abaga

Kung buot kang mohilak karon, nan hilak karon
Ayaw hulata dunay mga pulong mohupay sa imong kasakit

Kung buot kang mohilak karon, nan hilak karon
Ayaw na pangita ug suok nga imong katagoan

Kung buot kang mohilak karon, nan hilak karon
Ayaw na pangita ug kalingkuran ug kasandigan

Kung buot kang mohilak karon, nan hilak karon
Ayaw ikahibulong nga walay maminaw sa imong dangoyngoy

Kung buot kang mohilak karon, nan hilak karon
Ayaw tawag ni si bisan kinsa gawas sa imong Magbubuhat

Kung buot kang mohilak karon
Kung buot kang mohilak karon
Kung buot kang mohilak karon

Ayaw paabota ang ugma
Ayaw paabota ang gabii
Ayaw paabota ang buntag
Ayaw paabota ang kangitngit
Ayaw paabota ang kahayag

Karon ang adlaw sa pagbangotan

Karon ang adlaw sa imong kagawasan

If you laugh the world will laugh with you, if you cry you cry alone.

Mao kini ang akong punay nga handomon
busa dili nako usikan ang akong mga luha.
Dili siya modagayday, dili karong adlawa.

usahay maglagot ko ug buot ko mohilak sa kapungot ! 



+JLY