Author Topic: Mao Niy Nahitabo  (Read 3000 times)

pioneer

  • To God be the glory alone
  • FOUNDER
  • GURU
  • *****
  • Posts: 18911
  • stay at home
    • View Profile
    • spiritual preparation
Mao Niy Nahitabo
« on: June 17, 2007, 11:09:51 AM »
Bangkok, Thailand - Mao niy nahitabo. Sumala sa sulat ni Ven Arigo sa laing pamantalaan niadtong June 25, 2006.

Gidunggab si Sarah Jane Felisilda ug kutsilyo. Dili kausa ra ang pagdunggab, kon dili makadaghan. Gilaslas ang liog ni Sarah Jane ug ang wala niyang bukton. Ang bukog nalang ang nakapugong nga dili mahimulag sa lawas ang iyang liog ug bukton.

Wala matagbaw ang mamumuno. Gipanitan ang mga palad ni Sarah Jane. Gilaplapan ang iyang aping. Matod ni Ven Arigo sa iyang taho kaniadto sa Bohol Bantay Balita, gibuhat kini aron dili na masubay ang fingerprints sa kriminal ug dili na mailhan ang panagway sa dalaga.

Nadunot ug nabaho na ang lawas ni Sarah Jane sa dihang nadiskobrehan kini sulod sa kasilyas sa Diamond Mansions didto sa dakbayan sa Baguio. Wala mahibaw-i ang iyang kamatayon kay gisirad-an ug giilisan ug bag-ong kandado ang apartment nga giabangan ni Sarah Jane ug sa iyang kauban nga gihinganlan ug Mark Kim Sevilla.

“Ang paagi sa paglaslas sa liog ug sa sa bukton aron unta putlon kon eksakto pa ang hinagiban nga gigamit nagbutyag nga ang nagpatay adunay “background in nursing,” sumala sa resolusyon kaniadto sa prosecutor sa syudad sa Baguio (nga si Benedicto Carantes) nga nakakita ug ‘probabale cause’ sa krimeng murder batok kang Sevilla,” nagkanayon ang report ni Ven Arigo niadtong niaging tuig.

Matod pa, midangat ug tulo ka tuig una madakpi si Sevilla, kanhi nag-alyas ug Brian Osme?a, Kim Castillo, Jay Castillo ug Jake Castillo, sa NBI didto na sa dakbayan sa Davao.

“Si Sevilla, nga gialegar nga nalambigit sab sa multi-milyones nga pyramiding scam, nasikop ni National Bureau of Investigation (NBI) agent Exzel Hernandez sa syudad sa Davao niadtong Hunyo 6 ug gipriso karon sa syudad sa Baguio,” sumala ni Ven Arigo.

Wala nako sa Bohol sa dihang mikaylap ang balita sa pagkasikop ni Mark Kim Sevilla didto sa Davao. Nakadayeg ko ni Ven Arigo sa iyang pagsubay sa matag anib sa trahedya ni Sarah Jane, national auditor sa Osaka, lumolupyo sa lungsod sa Duero, Bohol, ug gradwado gikan sa University of San Carlos, Cebu.

Kung wala si Ven, tingali walay nakasawod sa krimen nga nahitabo. Dili na sab ko makahinumdum kung sama nako nakasulat sab si Ven mahitungod adtong Swiss Investment scam sa Bohol diin nahimong suspek si Sevilla.

Sa mga dokumento nga akong nahipos kaniadto, kadtong maong investment scam nakahipos ug mokapin sa lima (5) ka milyon ka pesos.

Mga inilang tawo sa Tagbilaran ang nabiktima niadtong maong scam nga akong gibulgar kaniadto sa pamantalaan sa Bohol Chronicle. Daghang mga oras ang akong gigugol sa pagtuon sa mga dokumento ug ebidensya sa wala pa nako sulata sa pamantalaan ang kabahin sa pyramiding investment scam.

Nahinumdum ko nga kadtong maong investment scam makadani gyud kay 40% man ang saad nga tubo sa kwarta nga imong ihatag. “My people perish for lack of knowledge,” matod sa Bibliya. Sa akong pagtuon ug managerial finance diri sa Bangkok, nakapanglingo-lingo ko sa akong ulo kay walay investment nga mohatag nimo ug 40% nga ginansiya. Tua lang na sa tumoy sa bangaw.

Apan ang mga nangailand nangaulaw. Wa gani magpahingalan sa mga headlines nga akong gisulat kaniadto.

Niaging semana gimantala dinhi sa Bohol Standard ang hukom ni Judge Ruben C. Ayson sa RTC-6 sa dakbayan sa Baguio. Gihukmang mabilanggo si Mark Kim Sevilla gikan sa unom hangtod katorse katuig. Unsa na kaha poy mahitabo human sa katorse ka tuig?

Wala ko kaila ni Sarah Jane ug Mark Kim. Wala ko pa sila ikita sukad. Ang akong nailhan mao si Fred Amora ug Ven Arigo nga nagsulat sa mga balita.

Human sa akong pagbasa sa Bohol Standard, nanumbalay ning panumduman ang daghang mga sugilanon: ang kangilngig sa kamatayon sa usa ka 27 anyos nga maanyag nga dalaga; ang kaidlas sa hustisya alang sa lampingasan nga pagpatay; ug ang pagkanaog sa kaluoy sa Ginoong Diyos alang sa mga minahal sa kinabuhi ni Sarah Jane.

Namalikhaw usab sa akong panumduman ang minilyon nga salapi sa mga nangailad sa investment scam nga wa mopatim-aw sa korte.  (Mike Ligalig, The Bohol Standard)

Linkback: https://tubagbohol.mikeligalig.com/index.php?topic=1283.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."
👇👇👇
Na-try mo na ba yung Tala app? Reliable sa unexpected expenses at laking tulong sa future! Use this code 9SO1TSL or visit www.tala.com to sign up!

unionbank online loan application low interest, credit card, easy and fast approval

Tags: