Gituohang namatay tungod sa pagkaon ug durian ang usa ka biyuda alas 5:30 sa kadlawong niadtung Martes sa Purok 8, Doña Andrea, probinsya sa Davao del Norte.
Ang biktima giila ni Police Officer 3 Delfin Panes, duty desk officer sa Asuncion Municipal Police Station nga mao si Leonarda Panal, 47, nagpuyo sa Purok 10 sa nahisgutang dapit.
Matud sa mga silingan ni Panal nga uwahi nilang nakita ang biktima nga grabeng kaon og durian ug didto natulog sa lamesa sa tindahan duol sa ilang dapit.
Sa pagsuroy sa tanod nga si Teofilo Dawa, iyang gipukaw ang biktima apan wala na kini mimata ug namatikdan nga migahi na ang lawas ni Panal nga nag-ukbo sa lamesa.
Gituohan nga giatake siya sa kasing-kasing hinungdan nga namatay.
Way nakitang mga timailhan sa lawas sa biktima nga dunay foul play sa iyang kamatayon.
Nagtuo sab ang anak sa biktima nga si Diosdado Panal nga namatay ang iyang inahan tungod sa atake sa kasingkasing.
http://bisayanews.com/Linkback:
https://tubagbohol.mikeligalig.com/index.php?topic=78867.0