MikeLigalig.com

By Rey Tutas
KAPITOLYO PROBINSIYAL, MIHATAG OG POSTHUMOUS TRIBUTE NI ANHING KANHI GOBERNADOR CONRADO MARAPAO SR.

Gihatagan og angay nga pag-ila sa kagamhanang probinsiyal si anhing kanhi Gobernador Atty. Conrado Marapao Sr, tungod sa iyang halandumon ug bililhon nga kontribuksyon ug nahimo sa lalawigan sa Bohol.

Sa resolution number 2019-684 nga gipangamahanan ni Philippine Councilors League-Bohol Chapter President ug Ex-Officio Board Member Jescelo Adiong, gipasar ang resolusyon niadtong nakalabay’ng sesyon niadtong Nob. 5, miila ni kanhi Gob. Marapao sa mga nahimo niini sa lalawigan.

Gidawat ni Atty. Lord Marapao II ug Atty. Popot Marapao ang plaki sa resolusyon nga naghatag og posthumous tribute ug pag-ila sa mga nahimo sa kanhi gobernador nga si Marapao.

Si Adiong miingon nga, giila si Marapao ni kanhi U.S General Douglas MacArthur ug Presidente Manuel L. Quezon nga guerilla governor  atul sa ikaduhang gubat sa kalibutan.

Ang anhing gobernador naila usab nga Governor of the Free Local Civil Government of Bohol, o mas naila nga Resistance Movement,” o Liberation Governor.

Si Marapao nagsilbi isip Gobernador sa Bohol gikan Mayo 22, 1942 hangtod Hunyo 26, 1946 sa panahon sa mga hapon.

Natawo siya niadtong Pebrero 20, 1910 sa lungsod sa Loay ug namatay niadtong Nob. 14, 1985 didto sa Veterans Memorial Hospital sa Quezon City.

Isip abogado, napili si Marapao isip pangu sa Bohol Bar Association and Integrated Bar of the Philippines-Bohol chapter.

Nahimo usab siya nga chairman sa Governor's League of the Philippines diin ang iyang kalihim mao ang kanhi Gobernador sa Zambales ug Presidente nga si Ramon Magsaysay.

Sa wala pa nahimong gobernador sa Bohol, si Marapao napili isip provincial board member gikan Enero 1, 1941 hangtod Mayo 21, 1942 sa pagdaog niya sa piniliay isip independente.

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91457.0