Ni Yoyo R. Abayan (Banat) Updated July 06, 2011 12:00 AM
CEBU, Philippines - Nangandam na ang mga Sugbuanong atleta alang sa duha ka torneyo didto sa Bohol karong bulana.
Una mao ang Danao's Music and Adventure Festival nga gikatakda karong Hulyo 8-10.
Tulo ka sporting events ang nalakip ning maong festival ug kini mao ang cross-country mountainbike race, trail running challenge ug ang wall climbing competition.
Sa Hulyo 23 ug 24 laing lumba ang sagubangon sa pedal-pushers nunot sa pagpahigayon sa Bohol Kia Iron Legs JCI Race 4. Kining maong kalihukan usa ka three-stage action alang sa road racers ug ingon man ang All-Bohol mountainbike race nga bukas lamang ngadto sa mga Bol-anons.
Ang stage 1 mao ang 15-kilometer individual time trial race didto sa Panglao island, sundan sa 55-km road race stage 2 gikan sa Tagbilaran City paingon sa Carmen.
Sa Hulyo 24, mao na ang third ug final stage diin laing road race nga mosubay og 53 kilometros gikan sa Tagbilaran mosubay sa Baclayon, Loay, Loboc, Sikatuna ug Corella ug balik sa Tagbilaran City. (BANAT NEWS)
Linkback:
https://tubagbohol.mikeligalig.com/index.php?topic=42123.0