Sugilanon ni Dagohoy
ipa-entablado sa BCC
TAGBILARAN CITY, Bohol, October 7 (PIA)--Ubay sa bag-o nga gilagdaan nga balaod kabahin sa katukoran sa Dagohoy Day, itanyag sa Kasing Sining Ensemble uban sa Bohol Arts and Culture Heritage Council ug sa Lalawigan sa Bohol ang pagpa-entablado sa Dagon sa Hoyohoy, Oktubre 8.
Ang pagpa entablado, mahitabo sa duha ka higayon: matinee show sa alas 3:00 sa palis, ug ang gala show sa alas 7:30 sa gabii, didto tanan sa Bohol Cultural Center (BCC).
Ang pagpa-entablado, makatabang sa lakang sa pagpasabut sa katawhan sa kinabuhi ug kasaysayan ngadto sa mga Bol-anon nga wala masayud sa kahimtang sa katawhan niadtong panahona nga nakapa-ulbo sa kasuko sa mga Bol-anon.
Ang Dagon sa Hoyohoy, nga maoy gituohan nga minugbo sa pulong nga Dagohoy, usa ka duwa sa entablado nga gikanta ug hinimo sa mga Bol- anon ug nagsaysay sa kinabuhi ug kasaysayan ni Francisco Sendrijas.
Si Sendrijas maoy nangulo sa labing taas nga lanat sa pagsukol batok sa pagpang-lapas sa katungod sa mga Bol-anon, nga nahimo sa mga Kastila nga pari.
Ang sugilanon sa pagsukol ni Francisco, kinsa natahasan sa Dagon sa Hoyohoy, dala na sa pipila ka katuigan nga pagpang abuso, pagpangilog sa kayutaan, ug sa kamangtas sa kinaiya sa mga Kastila nga pari.
Ang pagpa-entablado sa Dagon sa Hoyohoy, usa ka lakang pagtigum og suporta sa mga Bol-anon nga artista sa entablado nga mosalmot sa kalihukan sa teatro didto sa South Korea.
Ang dula ni Dagohoy, gisuwat ni Jose Marianito Luspo, ang huni gitampo ni Elvis Somosot ug ubos sa direksyon ni Lutgardo Labad alang sa Teatro Bol-anon
Ang pulta sa general admission tag P100. (rahc/PIA7/Bohol)
MGA HULAGWAY NI ULRICH CALUMPANG SA SILLIMAN UNIVERSITY
Book online travel tickets in Asia, Australia and New Zealand at:
https://12go.asia/?z=3467325Linkback:
https://tubagbohol.mikeligalig.com/index.php?topic=91119.0